Showing posts with label Slider. Show all posts
,

December 24, 2024

 ( வி.ரி.சகாதேவராஜா)




இலங்கை போக்குவரத்து சபையின் கல்முனைச் சாலையினால் இன்று திங்கட்கிழமை முதல்
முற்றிலும் குளிரூட்டப்பட்ட பஸ் சேவை முதல் தடவையாக ஆரம்பிக்கப்படுகிறது என்று சாலை முகாமையாளர் வி.ஜௌபர் தெரிவித்தார்.

இந்த பஸ் சேவையானது இரவு 10.30 மணிக்கு கல்முனை பிரதான பஸ்தரிப்பு நிலையத்தில் இருந்து கட்டுநாயக்கா விமான நிலயம் சென்று 
தொடர்ந்து கொழும்பு பிரதான பஸ்தரிப்பு 
நிலையம் சென்றடையும்.

இந்த பஸ் வண்டியில் பயணிக்கும் அனைத்து பயணிகளும் பயணச்சீட்டினை 
பெறுவதற்கு கல்முனை பிரதான பஸ்தரிப்பு நிலையத்திலும் மற்றும் ஒன்லைன் மூலமும் பெற்றுக்கொள்ளலாம் .

ஒரு வழிப் பயணத்திற்கு 2398.50 ( முற்பதிவு உட்பட) அறவிடப்படும்.

மேலதிக விபரங்களுக்கு:--
0672229281
0672220438 என்ற இலக்கத்தில் தொடர்பு கொள்ளுங்கள் என அவர் கேட்டுள்ளார்.

விரைவில் மேலுமொரு பஸ் கிடைக்கும் பட்சத்தில் ஒரே வேளையில் இரு வழிப் பயணத்திற்கு ஏற்பாடு செய்யப்படும்.

இதேவேளை, இது போன்று கல்முனையில் இருந்து யாழ்ப்பாணத்திற்கு இத்தகைய குளிரூட்டப்பட்ட சொகுசு பஸ் சேவையொன்றை கல்முனை பஸ் சாலை நடாத்த முன்வரவேண்டும் என பொது மக்கள் வேண்டுகோள் விடுக்கின்றனர்.
,

December 23, 2024

 

(சுகிர்தகுமார)


 அக்கரைப்பற்று இந்து இளைஞர் மன்றத்தின் வருடாந்த இறுதி ஒன்று கூடல் நேற்றிரவு (22) மன்றத்தின் ஒன்று கூடல் மண்டபத்தில் நடைபெற்றது.
இந்து இளைஞர் மன்றத்தின் தலைவரும் விபுலானந்தா சிறுவர் இல்லத்தின் ஸ்தாபகருமான த.கயிலாயபிள்ளை தலைமையில் இடம்பெற்ற நிகழ்வுகளில் ஆலையடிவேம்பு பிரதேச செயலாளர் ஆர்.திரவியராஜ் அம்பாரை மாவட்ட நீர்ப்பாசன திணைக்கள் உதவிப்பணிப்பாளர் ராஜ்குமார் உதவும் கரங்கள் அமைப்பின் உறுப்பினர் வசந்தகுமார் உள்ளிட்ட மன்றத்தின் முக்கியஸ்தர்கள் உறுப்பினர்கள் என பலர் கலந்து கொண்டனர்.
இந்து இளைஞர் மன்றத்தின் கடந்தகால செயற்பாடுகள் மற்றும் எதிர்காலதிட்டங்கள் தொடர்பில் தலைவர் மற்றும் உறுப்பினர்களால் தெளிவுபடுத்தப்பட்டது.
இதேநேரம் இந்து இளைஞர் மன்றத்தின் எதிர்கால செயற்பாடுகளுக்கு பலரும் தமது உதவியினை வழங்குவதாக உறுதி அளித்தனர்.
ஒன்று கூடலை சிறப்பிக்கும் வகையில் வளர்ந்துவரும் மண்ணின் இளைய பாடகர்களும் இணைந்து பாடல்களை பாடி சபையினை உற்சாகப்படுத்தினர்.
இறுதியில் வளர்ந்துவரும் பாடர்களுக்கு பரிசில்களும் வழங்கி வைக்கப்பட்டன.

,

December 23, 2024

 



பாறுக் ஷிஹான்


 விடுதி அறை  மலசல கூடத்தில்   மீட்கப்பட்ட   ஆணின்  சடலம் தொடர்பாக மேலதிக விசாரணைகளை  கல்முனை தலைமையக  பொலிஸார் மேற்கொண்டுள்ளனர்.

அம்பாறை மாவட்டம் கல்முனை தலைமையக  பொலிஸ் பிரிவிற்குட்பட்ட  கல்முனை  வடக்கு  ஆதார வைத்தியசாலைக்கு முன்பாக உள்ள  விடுதி அறை  மலசல கூடத்தில்   தூக்கில் தொங்கிய நிலையில் குறித்த  சடலம் இன்று  மீட்கப்பட்டிருந்தது.

இதன் போது மரணமடைந்த நிலையில் சடலமாக  மீட்கப்பட்டவர் அப்பகுதியில்  உள்ள உணவகம் ஒன்றில் பணியாற்றி  வந்த பெரிய நீலாவணை 02  செல்லத்துரை வீதி பகுதியை சேர்ந்த 2 பெண் பிள்ளைகளின் தந்தையான   54 வயது மதிக்கத்தக்க  பூசாரி சந்திரன்  என அடையாளம் காணப்பட்டுள்ளார்.

தற்போது  உயிரிழந்தவரின் சடலம் கல்முனை ஆதார  வைத்தியசாலைக்கு பிரேத  பரிசோதனைக்காக எடுத்துச் செல்லப்பட்டு குறித்த சடலம்  மீதான மரண விசாரணைகளை  திடீர் மரண விசாரணை அதிகாரி அப்துல் ஹமீட் அல் ஜவாஹீர்  மேற்கொண்டார்.

இதன் போது துணி ஒன்றினை பயன்படுத்தி  தூக்கு மேற்கொண்டு தற்கொலை செய்தமைக்கான அடையாளம் தென்பட்டுள்ளதாகவும் கழுத்து எழும்பு முறிவடைந்து மரணம் சம்பவித்துள்ளதாக மரண விசாரணை அறிக்கையிடப்பட்டு உறவினர்களிடம் சடலம் மாலை   கையளிக்கப்பட்டுள்ளது.

 மேலும் இம் மரணம் குடும்ப பிரச்சினை காரணமாக இடம்பெற்றதா அல்லது வேறு ஏதாவது விடயத்திற்காக  மரணம் சம்பவித்துள்ளதா என   மேலதிக விசாரணைகளை கல்முனை  தலைமையக பொலிஸார் மேற்கொண்டு வருகின்றனர்.

,

December 22, 2024

 



மாளிகைக்காடு செய்தியாளர்


மாளிகைக்காடு மனிதாபிமான உதவியாளர்களின் ஏற்பாட்டில் கல்முனை அஷ்ரப் ஞாபகார்த்த வைத்தியசாலையில் ஏற்பட்டிருக்கும் இரத்த தட்டுப்பாட்டை நிவர்த்தி செய்யும் முகமாக நடைபெற்ற இரத்த தான முகாம் இன்று (22) மாளிகைக்காடு அந்நூர் ஜும்ஆ பெரிய பள்ளிவாசல் கலாச்சார மண்டபத்தில் நடைபெற்றது.

கல்முனை அஸ்ரப் ஞாபகார்த்த வைத்தியசாலையில் நிகழும் குருதி பற்றாக்குறையை நிவர்த்தி செய்யும் முகமாக முதலாவது தடவையாக நடைபெற்ற இந்த இரத்ததான முகாமில் அதிகளவான பெண்கள் ஆர்வத்துடன் கலந்துகொண்டு குருதிக்கொடை வழங்கியது குறிப்பிடத்தக்கது.

இன்றைய நிகழ்வில் மாளிகைக்காடு அந்நூர் ஜும்ஆ பெரிய பள்ளிவாசல் செயலாளரும், அல்- மீஸான் பௌண்டஷன் தவிசாளருமான யூ.எல்.என். ஹுதா உமர், மாளிகைக்காடு ஜனாஸா நலன்புரி அமைப்பின் ஸ்தாபக தலைவர் ஏ.எல். இம்தியாஸ், கல்முனை அஷ்ரப் ஞாபகார்த்த வைத்தியசாலை வைத்தியர் குழாம், தாதிகள், உத்தியோகத்தர்கள்,  மாளிகைக்காடு அந்நூர் ஜும்ஆ பெரிய பள்ளிவாசல் நிர்வாகிகள், மாளிகைக்காடு மனிதாபிமான உதவியாளர்கள் அமைப்பின் நிர்வாகிகள், மாளிகைக்காடு ஜனாஸா நலன்புரி அமைப்பின் தலைவர், செயலாளர் எனப்பலரும் கொண்டனர்.
,

December 22, 2024

 (எம். என். எம். அப்ராஸ்)


டயகோணியா மற்றும் முஸ்லிம் பெண்கள் ஆராய்ச்சி மற்றும் செயல் முன்னணி அனுசரணையில் U CAN திட்டத்தின் ஊடாக சமூக அபிவிருத்தி அமையத்தின் ஏற்பாட்டில், விழுமியக் கல்வி ஊடாக, புத்தாக்க சமூக தீர்வுகளை வழங்கும் தொனிப்பொருளில், அவசரகால நிலைகளுக்கு முகங்கொடுப்பது தொடர்பான பயிற்சி நிகழ்வு' இன்று (22)சாய்ந்தமருது றியாலுல் ஜன்னா வித்தியாலயத்தில் நடைபெற்றது.

அனர்த்தங்களால் பாதிக்கப்படும் மக்களிடத்தில் மீட்பு மற்றும் மனிதாபிமான பணிகளை முன்னெடுப்பதில், இளைஞர்கள் மற்றும் தொண்டர்கள் மத்தியில் நற்செயற்பாடுகளை ஊக்குவிக்கும் நோக்கில் இந்நிகழ்வு ஏற்பாடு செய்யப்பட்டிருந்தது.

சாய்ந்தமருது பிரதேச செயலாளர் எம்.எம். ஆஷிக், கிழக்கு மாகாணக் கல்வி திணைக்கள பிரதிக் கல்விப் பணிப்பாளர் என்.எம்.ஏ. மலீக் ஆகியோரின் பங்குபற்றலுடன் இது நடைபெற்றது.

அனர்த்த முகாமைத்துவம் தொடர்பில் பல்வேறு அனுபவமிக்கவரும், காலநிலை மாற்றம் தொடர்பான செயற்பாட்டாளரும்,தென்கிழக்குப் பல்கலைக்கழக பொறியியல் பீட சிரேஷ்ட விரிவுரையாளருமான கலாநிதி. அஸ்லம் சஜா இதில் வளவாளராக கலந்து கொண்டார்.

கடந்தகால அனர்த்த நிலைமைகளின்போது சாய்ந்தமருது,கல்முனை மற்றும் மாளிகைக்காடு பிரதேசங்களில் நன்கு பணியாற்றிய தெரிவு செய்யப்பட்ட சில அமைப்புகளின் உறுப்பினர்கள் மற்றும் சமூக செயற்பாட்டாளர்களின் பங்குற்றலுடன் இது முன்னெடுக்கப்பட்டிருந்தது.

எதிர்கால அனர்த்தங்களின்போது சிவில் சமூக அமைப்புகளின் வகிபாகம் மற்றும் செயற்பாடுகள் குறித்து விளக்கங்கள் அளிக்கப்பட்டதுடன், இந்தப் பிராந்தியத்தில் அனர்த்தங்கள் ஏற்படுமிடத்து உரிய அரச நிறுவனங்களுடன், அரச சார்பற்ற நிறுவனங்கள் எவ்வாறு இணைந்து பணியாற்றுவது தொடர்பாகவும் குழு செயற்பாடுகள் மூலம் இதன்போது விரிவாக ஆராயப்பட்டமை குறிப்பிடத்தக்கது.

M.N.M.Afras
0772961631
journulist

,

December 22, 2024

 



நூருல் ஹுதா உமர்



சாய்ந்தமருது சுகாதார வைத்திய அதிகாரி அலுவலகத்திற்கு உட்பட்ட பிரிவுகளில் உணவுப் பண்டங்கள் விற்பனை செய்யும் நிலையங்களில் திடீர் களப் பரிசோதனைகள் தொடர்ந்தும் இடம்பெற்று வருகிறது.

கல்முனை பிராந்திய சுகாதார சேவைகள் பணிப்பாளர் டாக்டர் திருமதி சகிலா இஸ்ஸதீன் அவர்களின் ஆலோசனைக்கமைய சாய்ந்தமருது சுகாதார வைத்திய அதிகாரி டாக்டர் ஜே.மதன் அவர்களின் தலைமையில் பொது சுகாதார பரிசோதகர்கள், டெங்கு களத்தடுப்பு பணியாளர்கள் அடங்கிய  குழுவினர் மேற்கொண்ட இந்த திடீர் பரிசோதனையின் போது முறையற்ற வகையில் உணவு தயாரிக்கும் மூன்று நிறுவனங்களுக்கு எதிராக சட்ட நடவடிக்கை எடுக்கப்பட உள்ளதுடன் டெங்கு பரவும் வகையில் சுற்றுச்சூழலை அசுத்தமாக வைத்திருந்தவர்களுக்கு எதிராகவும் சட்ட நடவடிக்கைகள் மேற்கொள்ளப்பட உள்ளது.

இந்த திடீர் களப்  பரிசோதனையின் போது மூன்று ஹோட்டல்கள், ஒரு உணவகம், மரக்கறி விற்பனை நிலையங்கள் மற்றும்  பழக்கடை போன்றனவும் பரிசீலனைக்கு உட்படுத்தப்பட்டன என்றும் மக்களின் சுகாதாரத்தை மேம்படுத்தவும், ஆரோக்கியத்தை கவனத்தில் கொண்டும் எங்கள் பணி என்றும் தொடரும் என சாய்ந்தமருது சுகாதார வைத்திய அதிகாரி டாக்டர் ஜே.மதன் தெரிவித்தார்.
,

December 22, 2024

 


காஸா போர் நிறுத்தம் மற்றும் பணயக்கைதிகளை விடுவிப்பது குறித்து இஸ்ரேலுக்கும் ஹமாஸுக்கும் இடையேயான பேச்சுவார்த்தை 90% நிறைவடைந்துள்ளது, ஆனால் இன்னும் முக்கிய பிரச்னைகளுக்கு தீர்வு காண வேண்டியுள்ளது என்று இந்த பேச்சுவார்த்தையில் ஈடுபட்ட பாலத்தீன மூத்த அதிகாரி ஒருவர் பிபிசியிடம் தெரிவித்துள்ளார்.

ஃபிலடெல்பி பாதையில் இஸ்ரேல் ராணுவம் தொடர்ந்து இருப்பது முழு போர் நிறுத்தம் கொண்டு வருவதற்கு முட்டுக்கட்டையாக இருக்கிறது.

தெற்கு காஸாவின் எகிப்து எல்லையில் உள்ள இந்த ஃபிலடெல்பி பாதையானது, ஒரு முக்கியத்துவம் வாய்ந்த பகுதியாகும்.

தோஹாவில் நடைபெற்ற இந்த பேச்சுவார்த்தையின் விவரங்களை பாலத்தீன மூத்த அதிகாரி ஒருவர் பகிர்ந்து கொண்டார். இதில் காஸாவுடனான இஸ்ரேலின் எல்லை முழுவதும், பல கிலோமீட்டர் அகலத்தில் ஒரு ராணுவ மோதலற்ற மண்டலத்தை உருவாக்குவதும் அடங்கும்.

,

December 22, 2024

 



நூருல் ஹுதா உமர்


மார்ச் மாதம் நடுப்பகுதியில்  க.பொ.த சாதாரண தரப்பரீட்சையை நடத்த பரீட்சை திணைக்களம் தீர்மானித்திருக்கும் இவ்வேளையில் அந்த காலமானது முஸ்லிங்களின் புனித நோன்பு காலமாக அமைந்துள்ளது. அதனால் இப்பரீட்சையை நோன்பு ஆரம்பிக்க முன்னர் அல்லது நோன்பு பெருநாள் முடிந்த பின்னர் நடத்த அரசாங்கம் முன்வர வேண்டும் என அல்- மீஸான் பௌண்டஷன், ஸ்ரீலங்கா ஜனாதிபதி, கல்வி அமைச்சராக உள்ள பிரதமர், முஸ்லிம் பாராளுமன்ற உறுப்பினர்கள், பரீட்சை திணைக்களம் ஆகியவற்றுக்கு கோரிக்கையொன்றை முன்வைத்துள்ளது.

அல்- மீஸான் பௌண்டஷனின் கோரிக்கை கடிதத்தில் மேலும், உலகில் வாழும் இஸ்லாமியர்களின் புனிதமிகு மாதங்களில் ஒன்றான புனித ரமழான் என்பது அமல்கள் நிறைந்த மாதமாகும். இந்த மாதத்தில் 13 மணித்தியாலயங்களுக்கு மேலாக பகல் நேரங்களில் முஸ்லிங்கள் நோன்பு நோற்றிருப்பதுடன் பகலிலும், இரவிலும் இறைவனை அதிகம் அதிகம் தொழும் மாதமாகும். அருட்கொடைகள் நிறைந்த இந்த மாதத்தில் முஸ்லிங்கள் நிறைய நன்மையான காரியங்களை செய்வதுடன் இரவு நேரத்திலும் நீண்ட நேரம் நின்று தொழும் காலமாகும். இந்த காலத்தில் பள்ளிவாசல்கள் சகலதிலும் மார்க்க சொற்பொழிவுகளும், வணக்க வழிபாடுகளிலும் மக்கள் ஈடுபடுவார்கள்.

இப்படியான சங்கை மிகுந்த காலத்தில் க.பொ.த சாதாரண தரப்பரீட்சையை நடத்த பரீட்சை திணைக்களம் தீர்மானித்திருப்பது பொருத்தமற்ற செயலாக அமைந்துள்ளது என்ற விடயம் இப்போது முஸ்லிங்கள் மத்தியில் பேசுபொருளாக மாறியிருக்கிறது. பரீட்சை எழுதும் முஸ்லிம் மாணவர்களும், பரீட்சை கடமைக்கு செல்லும் முஸ்லிம் உத்தியோகத்தர்களும் நோன்பு காலங்களில் பரீட்சையை எதிர்கொள்வதும் பரீட்சைக்கு தயாராவதும் உடலியல் ரீதியாக மட்டுமல்லாமல் உளவியல் ரீதியாகவும், மார்க்க கடமைகளிலும் தாக்கம் செலுத்த வாய்ப்புள்ளது.

இதனால் இலங்கையின் தேசிய இனங்களில் ஒன்றான முஸ்லிங்களின் உணர்வுகளை மதித்து இலங்கை முஸ்லிங்களின் மார்க்கக்கடமைகளையும், கல்வி நடவடிக்கைகளையும் திருப்த்திகாரமாக முன்னெடுக்க இந்த பரீட்சை நேரசூசியில் மாற்றத்தை ஏற்படுத்த அரசாங்கமும், குறித்த துறைக்கு பொறுப்பான திணைக்களங்களும்  முன்வரவேண்டும் என்பதுடன் முஸ்லிம் கட்சிகள், முஸ்லிம் மக்களின் பிரதிநிதிகளாக பாராளுமன்றத்தை பிரநிதித்துவப்படுத்தும் பாராளுமன்ற உறுப்பினர்கள் இந்த விடயத்தில் கரிசனை செலுத்த வேண்டும் என்றும் வலியுறுத்தப்பட்டுள்ளது.
,

December 22, 2024

 



நிப்ராஸ் லத்தீப் / நூருல் ஹுதா உமர்


கல்முனை ஹுதா ஜும்ஆ பள்ளிவாசல் மற்றும் அதன் தஃவா குழுவின் ஏற்பாட்டில் கல்முனை அஷ்ரப் ஞாபகார்த்த வைத்தியசாலையில் ஏற்பட்டிருக்கும் இரத்த தட்டுப்பாட்டை நிவர்த்தி செய்யும் முகமாக நடைபெற்ற இரத்த தான முகாம் இன்று (21) கல்முனை ஹுதா ஜும்ஆ பள்ளிவாசலில் நடைபெற்றது.

கல்முனை அஸ்ரப் ஞாபகார்த்த வைத்தியசாலையில் நிகழும் குருதி பற்றாக்குறையை நிவர்த்தி செய்யும் முகமாக கல்முனை ஹுதா அழைப்பு வழிகாட்டல் பணியகம் ஒவ்வொரு வருடமும் இந்த இரத்ததான முகாம் நடைபெற்று வருகிறது.

இன்றைய நிகழ்வில் கல்முனை தெற்கு சுகாதார வைத்திய அதிகாரி வைத்தியர் ஸாரா ஷராப்தீன், கல்முனை பொலிஸ் நிலைய பொலிஸ் பொறுப்பதிகாரி சிரேஷ்ட பொலிஸ் பரிசோதகர் எம்.ரம்சீன் பக்கீர், கல்முனை அஷ்ரப் ஞாபகார்த்த வைத்தியசாலை வைத்தியர் குழாம், தாதிகள், உத்தியோகத்தர்கள், கிராம நிலதாரி, கல்முனை ஹுதா ஜும்ஆ பள்ளிவாசல் நிர்வாகிகள் எனப்பலரும் கொண்டனர்.
,

December 22, 2024

 



திருக்கோவில் பிரதேசத்தில் கட்டாக்காலி மாடு அட்டகாசம்...


அம்பாறை மாவட்டம் திருக்கோவில் பிரதேசத்தில் கட்டாக்காலி மாடுகளின் அட்டகாசம் அதிகரிப்பு....


மாலை வேளைகளில் பிரதானவீதிகளில் இவ் கட்டாக்காலி மாடுகள் நிற்பதனால் வாகன ஓட்டுனர்கள் பல அசோகரியங்களை முகங்கொடுத்துவருகின்றனர் இதனால்  வாகன விபத்துக்கள் ஏற்படும் சூழ் நிலையில் காணப்படுகின்றது.... இவ் பிரச்சினையானது திருக்கோவில் பிரதேசத்தில் மாத்திரம் இன்றி பல பிரதேசங்களில் காணப்படுகின்றது குறிப்பிடத்தக்கது...


மேலும் இரவு நேரங்களில் கட்டாக்காலி மாடுகளினால் வியாபார நிலையங்களும் பாதிக்கப்படுகின்றது இவ் கட்டாகாலி மாடுகளுக்கு அட்டகாசங்களுக்கு தீர்வினை வழங்குமாறு பிரதேச வாசிகளும் வாகன ஓட்டுனர்களும் தெரிவித்துள்ளனர்....

,

December 21, 2024

 

பாணம கிராமத்திற்கு வன்னி ஹோப் அமைப்பினால் நிவாரணம் வழங்கி வைப்பு...


அம்பாறை மாவட்டம் லாகுகல பிரதேச செயலாளர் பிரிவுக்குட்பட்ட பாணம கிராமத்தில் லாகுகல பிரதேச செயலளார் திரு.நவநீதராஜா அவர்களின் வேண்டுகோளுக்கு அவுஸ்ரேலியா வன்னி ஹோப் அமைப்பின் நிதி அனுசரனையில் மட்டக்களப்பு அம்பாறை பொறுப்பாளர் K.தர்மராஜ் அவர்களின் ஊடாக  பாணம பகுதியில் நாட்டில் ஏற்பட்ட தாழமுக்கதினால் ஏற்றபட்ட வெள்ளத்தினால் வாழ்வாதாரம்  பாதிக்கப்ப மீனவர் மற்றும் விவசாய குடும்பங்களுக்கு 100நிவாரண உலர் உணவுப்பொதிகள் இன்றைய தினம் வழங்கி வைக்கப்பட்டது.....


இன் நிகழ்வானது பாணம பாடசாலை வளாகத்தில் இடம்பெற்றது....


இன் நிகழ்வில் லாகுகல பிரதேச செயலாளர் திரு.நவநீதராஜா மற்றும் உதவிச்செயலாளர் க.சதிசேகரன் மற்றும் வன்னி ஹோப் அமைப்பின் மட்டு அம்பாறை பொறுப்பாளர் K.தர்மராஜ் கிராம சேவையாளர் கிராம அபிவிருத்தி உத்தியோத்தர்கள் என பலரும் கலந்து கொண்டனர்....


ஜே.கே.யதுர்ஷன்

,

December 21, 2024


 நீதி அமைச்சின் தேசிய ஒற்றுமை மற்றும் ஒருமைப்பாட்டுக்கான செயலகத்தின் அனுசரணையுடன்  திருக்கோவில் பிரதேசசெயலக பிரிவிற்குட்பட்ட முன்பள்ளி ஆசிரியர்களுக்கான 100 மணித்தியாலங்கள் கொண்ட சிங்கள மொழித் தொடர்பாடல் பயிற்சி பாடநெறியை பூர்த்தி செய்தோருக்கான சான்றிதழ்கள் வழங்கும் நிகழ்வு திருக்கோவில் புனித சூசையப்பர் பாலர் பாடசாலை மண்டபத்தில் மதிப்பிற்குரிய பிரதேச செயலாளர் திரு.T. கஜேந்திரன் அவர்களின் தலைமையில் தேசிய ஒருமைப்பாட்டு இணைப்பாளர் A.ஆன்ஸி யுரேமினியின் ஒருங்கிணைப்பில் 20.12.2024 ம்  திகதியன்று நடைபெற்றது. 


இந்நிகழ்வில் உதவி பிரதேச செயலாளர் திருமதி. S. நிருபா, உதவி திட்டமிடல் பணிப்பாளர் திருமதி.U . அனோஜா, கிராம நிர்வாக உத்தியோகத்தர் திரு.A. கந்தசாமி, பாடநெறியின் வளவாளர் திரு. S. சுதேஷ் ருஷாந்தன் மற்றும் முன்பள்ளி கல்விக்கு பொறுப்பான வலய கல்வி அலுவலக உத்தியோகத்தர்கள் விருந்தினர்களாக கலந்து கொண்டு சிறப்பித்தனர்.


 மேலும் பாட நெறியை பூர்த்தி செய்த முன்பள்ளி ஆசிரியர்கள் தாம் பெற்றுக் கொண்ட மொழித்தேர்ச்சியை வெளிப்படுத்தும் வகையில் கலை நிகழ்வுகளும் இடம்பெற்றன


ஜே.கே.யதுர்ஷன்..

, ,

December 21, 2024


ஹட்டனில் இருந்து கண்டி நோக்கி பயணித்த தனியார் பஸ் ஒன்று இன்று (21) காலை விபத்துக்குள்ளானது.


பஸ் சாலையை விட்டு விலகி அருகில் உள்ள தேயிலை தோட்டத்தில் கவிழ்ந்தது.


இவ்விபத்தின் போது பஸ்ஸில் 20 முதல் 25 பேர் வரை பயணித்துள்ளனர், அவர்கள் அனைவரும் காயமடைந்து திக் ஓயா மற்றும் வட்டவளை வைத்தியசாலைகளில் அனுமதிக்கப்பட்டுள்ளனர்.

, ,

December 21, 2024

 


பாறுக் ஷிஹான்


விளக்கமறியலில் வைக்கப்பட்டிருந்த  சந்தேக நபர் நீதிமன்றத்திற்கு அழைத்து வந்த நிலையில் தப்பி ஓடிய சம்பவம் ஒன்று இடம்பெற்றுள்ளது.இதன் போது தப்பி சென்ற சந்தேக நபரை   பொலிஸார் உட்பட சிறைச்சாலை அதிகாரிகள் தேடி வருகின்றனர்.

இச்சம்பவம் அம்பாறை மாவட்டம் சம்மாந்துறை நீதிவான் நீதிமன்ற வளாகத்தில் வெள்ளிக்கிழமை(20)   இடம்பெற்றுள்ளது.

28 வயது மதிக்கத்தக்க சந்தேக நபரே  மட்டக்களப்பு சிறைச்சாலையில் இருந்து சம்மாந்துறை நீதிவான் நீதிமன்றத்திற்கு வழக்கு ஒன்றிற்காக சிறைச்சாலை பஸ்ஸில் அழைத்து வரும் போது இவ்வாறு   தப்பி சென்றுள்ளார்.
ர்.
,

December 20, 2024


 உள்ளூராட்சி மன்ற தேர்தல் அடுத்த ஆண்டு தமிழ் - சிங்கள புத்தாண்டுக்கு முன்னதாக நடத்தப்படும் என ஜனாதிபதி அநுரகுமார திசாநாயக்க தெரிவித்துள்ளார்.


இன்று (20) கண்டி மல்வத்து மற்றும் அஸ்கிரிய மகாநாயக்க தேரர்களை சந்தித்ததன் பின்னர் ஊடகங்களுக்கு கருத்துத் தெரிவித்தபோதே அவர் இதனைக் குறிப்பிட்டுள்ளார்.


மேலும், மாகாண சபைத் தேர்தல் அடுத்த வருடத்துக்குள் நடத்தப்படும் என்றும் ஜனாதிபதி தெரிவித்தார்.


இன்று காலை முதலில் மல்வத்து விகாரைக்கு சென்ற ஜனாதிபதி மல்வத்து மகாநாயக்க தேரர் வண. திப்படுவாவே ஸ்ரீ சுமங்கல தேரரை சந்தித்து அவரிடம் நலம் விசாரித்ததுடன் சிநேகபூர்வமாக கலந்துரையாடினார். 


தற்போதைய அரசியல் நிலைமைகள் மற்றும் ஜனாதிபதியின் அண்மைய இந்திய விஜயம் குறித்தும் கலந்துரையாடப்பட்டது. 


அதனையடுத்து மல்வத்து மகாநாயக்க தேரர் தலைமையிலான மகா சங்கத்தினர் செத் பிரித் பாராயணம் செய்து ஜனாதிபதிக்கு ஆசி வழங்கினர். 


அதனையடுத்து அஸ்கிரிய விகாரைக்கு சென்ற ஜனாதிபதி அநுரகுமார திசாநாயக்க அஸ்கிரிய பீடத்தின் மகாநாயக்க தேரர் வண. வரகாகொட ஸ்ரீ ஞானரத்தன தேரரை சந்தித்து ஆசி பெற்றுக்கொண்டார். 


அஸ்கிரிய பீடத்தின் அனுநாயக்க தேரர் வண. ஆணமடுவே தம்மதஸ்ஸி தேரர், பிரதி பதிவாளர் வண. நாரம்பனாவே ஆனந்த தேரர்,முதியங்கன ரஜமகா விகாரையின் விகாராதிபதி வண.முருத்தெனியே தம்மரத்தன தேரர் உள்ளிட்டோர் இதன்போது வருகை தந்திருந்ததுடன் அவர்கள் செத் பிரித் பாராயணம் செய்து ஜனாதிபதியின் எதிர்கால பணிகளுக்கு ஆசி வழங்கினர். 


போக்குவரத்து மற்றும் பெருந்தெருக்கள் பிரதி அமைச்சர் வைத்தியர் பிரசன்ன குணசேன, பாராளுமன்ற உறுப்பினர் தனுர திசாநாயக்க உள்ளிட்டவர்களும் இதன்போது கலந்துகொண்டனர்.


, ,

December 20, 2024


 களுவாஞ்சிக்குடி நீதிமன் சமுதாய சீர்சிருத்த வேலை மேற்பார்வையாளர் ருமணன் பணிபுரியும்  (Master of Social Work with Merit Pass)-சமூக வேலைத்துறையில் முதுகலையில் சிறப்புத் தேர்ச்சி பெற்றுள்ளார். இவருக்கு www.ceylon24.com தமது வாழ்த்துக்களை காணிக்கையாக்குகின்றது.


, ,

December 20, 2024

 



மாளிகைக்காடு செய்தியாளர்

மாவடிப்பள்ளி அனைத்து பாலர் பாடசாலைகள் சம்மேளனத்தின் ஏற்பாட்டில் மாவடிப்பள்ளி அல்- மதீனா பாலர் பாடசாலை மற்றும் மாவடிப்பள்ளி ரஹ்மானியா பாலர் பாடசாலை ஆகியவற்றின் இவ்வாண்டுக்கான மாணவர்கள் விடுகை நிகழ்வு மாவடிப்பள்ளி அஸ்ரப் மகா வித்தியாலய கேட்போர் கூட்டத்தில் மாவடிப்பள்ளி அனைத்து பாலர் பாடசாலைகள் சம்மேளன தலைவர் எம்.எச். எம். அஸ்வர் தலைமையில் இன்று வியாழக்கிழமை நடைபெற்றது.
இந்நிகழ்வில் விசேட அதிதிகளாக மாவடிப்பள்ளி கமு/கமு/ அஸ்ரப் மகா வித்தியாலய அதிபர் ஏ.எல். ரஜாப்டீன், கமு/கமு/ அஸ்ரப் மகா வித்தியாலய ஓய்வு பெற்ற எம்.ஐ.எம். சைபுத்தீன், கிழக்கு மாகாண கூட்டுறவு ஊழியர்கள் ஆணைக்குழு முன்னாள் உறுப்பினரும், அல்- மீஸான் பௌண்டஷன் ஸ்ரீலங்காவின் தவிசாளருமான யூ.எல்.என். ஹுதா உமர் ஆகியோர் கலந்து கொண்டதுடன் பிரதம பேச்சாளராக இலங்கை தென்கிழக்கு பல்கலைக்கழக உத்தியோகத்தர் மௌலவி ஏ.பி.எம். ரம்சீன் (காஸிமி) கலந்து கொண்டார்.
பாலர் பாடசாலை மாணவர்களின் கலை நிகழ்ச்சிகள் இடம்பெற்றதுடன், அவர்களுக்கான கௌரவிப்பும் நடைபெற்றது. மேலும் இந்நிகழ்வில் இளம் சூழலியலாளர் மின்மினி மின்ஹா, மாவடிப்பள்ளி அல்- மதீனா பாலர் பாடசாலை மற்றும் மாவடிப்பள்ளி ரஹ்மானியா பாலர் பாடசாலை ஆகியவற்றின் நிர்வாகிகள், ஆசிரியர்கள், மாணவர்கள், பெற்றோர்கள் உட்பட பலரும் கலந்து கொண்டனர்.

, ,

December 20, 2024




 (வி.ரி. சகாதேவராஜா)


சாய்ந்தமருது வைத்தியசாலையின் பின்புறத்திலுள்ள தாமரைக் குளத்தினை சுத்தமாக்கும் நிகழ்வு இன்று வெள்ளிக்கிழமை நடைபெற்றது.


இக்குளத்தை  அபிவிருத்தி செய்வது தொடர்பாக தேசிய மக்கள் சக்தியின் திகாமடுல்ல மாவட்ட பாராளுமன்ற உறுப்பினர் ஏ.ஆதம்பாவா உள்ளிட்ட குழுவினர் நேற்று  (19) வியாழக்கிழமை பார்வையிட்டனர் .

குளத்தின் ஆழமான பகுதிகளில் தேங்கி நிற்கும் குப்பைகளை சுத்தம் செய்து தொடர்ச்சியான மேற்பார்வையில் இருக்குமாறும் பணிப்புரை விடுத்திருந்தார்.


அவரின் பணிப்புரைக்கு அமைய  இன்று வெள்ளிக்கிழமை(20) தாமரை குளத்தினை துப்புரவு செய்யும் பணிகள் கல்முனை மாநகர சபை ஊழியர்களினால் திண்மக் கழிவுகளை அகற்றும் பணிகள் மேற்கொள்ளப்பட்டன.


நேற்றய இப்பார்வையிடலில் கல்முனை மாநகர சபை பொறியியளாலர் ஏ.எம்.ஜெளசி உள்ளிட்ட பாராளுமன்ற உறுப்பினரின் உத்தியோகத்தர்கள்,வைத்தியர்கள், அதிபர்கள், ஆசிரியர்கள் என பலரும் கலந்து கொண்டனர்

Subscribe to: Posts (Atom)

இணையவழி,குறுந்தகவல் மூலமாக, பொருட்களைச்,சந்தைப்படுத்துங்கள்! On WEB-ceylon24.com On Twitter @ceylon24 Tel:0777 761 477, 0759 761 477

Powered by Blogger.