Showing posts with label Culture. Show all posts
,

January 20, 2025


 வி.சுகிர்தகுமார்   

 கிழக்கிலங்கையின் அம்பாரை மாவட்டத்தில் பிரசித்தி பெற்ற பழமை வாய்ந்த கோளாவில் அருள்மிகு அறுத்தநாக்கொட்டிஸ்வரர் ஸ்ரீ விக்னேஸ்வரர் பேராலய புனராவர்த்தன் அஷ்டபந்தன நவகுண்டபக்ஷ மகா கும்பாபிஷேகம் நேற்று 19ஆம் திகதி பலத்த மழைக்கு மத்தியிலும்  சிறப்பாக நடைபெற்றது.
 மூர்த்தி,தலம்,விருட்சம்,தீர்த்தம் எனும் நான்கு சிறப்புக்களையும் கொண்டு விளங்கும் ஸ்ரீ விக்னேஸ்வரர் ஆலயத்தின்  கும்பாபிசேகத்திற்கான கிரியாகால ஆரம்பம் கடந்த (15) ஆரம்பமானது
 தொடர்ந்து (18) அதிகாலை காலை 5மணிமுதல் மாலை 7 மணிவரை நடைபெற்ற எண்ணெய்க்காப்பு சாத்தும் நிகழ்வோடும் 19ஆம் திகதி இன்று காலை 9மணி 58நிமிடம் முதல் 11 மணி 37 நிமிடம் வரையுள்ள அமிர்த சுயோக மீன லக்கின சுபமுகூர்த்தத்தில் மகா கும்பாபிசேக குடமுழுக்கும் பக்தி பூர்வமாக இடம்பெற்றது.
 நடைபெற்ற ஏககுண்டயாக பூஜையினை தொடர்ந்து கலசத்திற்கான கும்பம் சொரியும் பக்தி பூர்வமான நிகழ்வு பெருந்திரளான பக்தர்களின் அரோகரா எனும் வேண்டுதலுடன் நடைபெற்றது.
 பின்னர் பிரதான கும்ப வெளி வீதி உலா நடைபெற்று அம்மனுக்கான கும்பம் சொரியப்பட்டதுடன் பூஜைகளும் நடைபெற்றது.
 கும்பாபிசேகத்தினை தொடர்ந்து 48 நாட்கள் மண்டலாபிசேக பூசைகள் நடைபெறு உள்ளதுடன்;; மார்ச் மாதம் 03ஆம் திகதி வெள்ளிக்கிழமை அஸ்டோத்தர சகஸ்ர 1008 சங்காபிசேத்துடன் மண்டல பூஜைகளும் கும்பாபிசேக கிரியைகளும் நிறைவுறும்.
 ஆலய தலைவர் சி.சுவேந்திரராஜா தலைமையில் நடைபெறும் கும்பாபிசேகத்தின் கிரியைகள் யாவற்றையும் சிவாகம கிரியாஜோதி சிவஸ்ரீ க.கு சீதாராம் குருக்களின் ஆசியுடனும் வழிநடத்தலுடனும் சிவஸ்ரீ கௌரி சங்கர் சர்மா குருக்கள் மற்றும் சாதகாசிரியராக சிவஸ்ரீ பத்மநிலோஜனசிவம் உள்ளிட்ட குருமார்கள்; நடாத்தி வைத்தனர்.

 
, ,

January 17, 2025


 வி.சுகிர்தகுமார்  

 ஆலையடிவேம்பு பிரதேச செயலகத்திலும் இன்று (17) பொங்கல் விழா கோமாதா பூஜை உழவர் கௌரவிப்பு என முப்பெரும் நிகழ்வுகள் இடம்பெற்றன.
ஆலையடிவேம்பு பிரதேச செயலாளர் ஆர்.திரவியராஜ் தலைமையில் இடம்பெற்ற நிகழ்வில் உதவிப்பிரதேச செயலாளர் ஆர்.சுபாகர் உள்ளிட்ட அரச உயர் அதிகாரிகள் உத்தியோகத்தர்கள் என பலர் கலந்து கொண்டனர்.
முப்பெரும் விழாவை முன்னிட்டு பிரதேச செயலகம் அலங்கரிக்கப்பட்டு விழாக்கோலம் பூண்டிருந்தது.
இயற்கைக்கு நன்றி தெரிவிக்கும் பொங்கல் விழாவில் விவசாயத்திற்கு உதவி செய்யும் பசுக்களுக்கும் விசேட பூஜைகள் நடைபெற்றதுடன் விவசாயிகளும் பொன்னாடை போர்த்தி நினைவுச்சின்னங்கள் வழங்கி கௌரவிக்கப்பட்டனர்.
தைபிறந்தால் வழிபிறக்கும் எனும் பெரும் நம்பிக்கையோடு பிரதேச செயலக உத்தியோகத்தர்களும்; சூரிய பகவானுக்கு நன்றி செலுத்தும் வகையில் பொங்கலிட்டு பூஜை வழிபாடுகளில் ஈடுபட்டதை அவதானிக்க முடிந்தது.
பூஜை வழிபாடுகளை சிவஸ்ரீ ஜெகதீஸ்வர சர்மா நடாத்தி வைத்தார்.
இதேநேரம் எதிர்வரும் ஆண்டில் இருந்து தைப்பொங்கல் விழாவானது ஆலையடிவேம்பு பிரதேச பொது விழாவாக கொண்டாடப்படவுள்ளதுடன் இவ்விழாவில் பிரதேச செயலகத்திற்குட்பட்ட அனைத்து திணைக்களங்கள் மற்றும் அரச அரசசார்பற்ற நிறுவனங்கள் பொது அமைப்புக்கள் ஆலயங்கள் உள்ளிட்ட பல்வேறு தரப்பினரின் பங்குபற்றுதல் மற்றும் ஒத்துழைப்போடு இடம்பெற ஏற்பாடுகள் மேற்கொள்ளப்படும் என பிரதேச செயலாளர் இங்கு தெரிவித்தார். 
,

January 14, 2025

 



தைத்திருநாளை ஒட்டி நாடு பூராக உள்ள இந்து ஆலயங்களில் விசேட பூசை நிகழ்வுகள் இடம்பெற்றது....


அந்த வகையில் இன்றைய தினம் தம்பிலுவில் ஸ்ரீ சிவலீங்கப்பிள்ளையார் ஆலயம் மற்றும் தாமரைக்குளம் ஷீரடி சாயி கருணாலயத்திலும்  விசேட பூசை நிகழ்வுள் இடம்பெற்றது.....


கொண்டும் தொடர்மழையையும் பொருட் படுத்தாது அதிகளவான மக்கள் பூசை நிகழ்வுகளில் கலந்து கொண்டது குறிப்பிடத்தக்கது....


ஜே.கே.யதுர்ஷன்

, , ,

January 14, 2025


 வி.சுகிர்தகுமார்         


 அம்பாரை மாவட்டத்திலும் உழவர் திருநாளாம் தைப்பொங்கல் கொண்டாட்டங்கள் இன்று (14) அடைமழைக்கு மத்தியிலும் சிறப்பாக நடைபெற்றன.
அதிகாலையில் எழுந்த மக்கள் நீராடி புத்தாடை அணிந்து இறைவழிபாடு செய்ததன் பின்னர் இயற்கை தெய்வமான சூரிய பகவானுக்கு நன்றி தெரிவிக்கும் வகையில் பொங்கலிடும் வேலைகளில் ஈடுபட்டனர்.
தொடர்ந்து வீடுகளில் பொங்கல் படைத்து வழிபாடுகளில் ஈடுபட்டதுடன் பெரியோர்களின் ஆசியும் பெற்றனர்.
பின்னர் குடும்ப சகிதம் ஆலயங்களுக்கு சென்று வழிபாடுகளில் ஈடுபட்டதன் பின்னர் உறவினர்கள் நண்பர்களுடன் வாழ்த்துக்களை பரிமாறிக்கொண்டதுடன்; அனைவரும் இணைந்து இனிப்பு பண்டங்களை உண்டு மகிழ்ந்தனர்.
 இதேவேளை அக்கரைப்பற்று ஸ்ரீ வம்மியடிப்பிள்ளையார் ஆலயத்தில் சூரிய பகவானுக்கு நன்றி செலுத்தும் வகையில் விசேட பூஜை வழிபாடுகள் சிவஸ்ரீ ப.கு.கேதீஸ்வரக்குருக்கள் தலைமையில் நடைபெற்றதுடன் பல ஆலயங்களிலும் சிறப்பு பூஜைகள் நடைபெற்றன.
வழிபாடுகளில் பெருந்திரளான மக்கள் கலந்து கொண்டு வழிபாடுகளில் ஈடுபட்டனர்.
தைபிறந்தால் வழிபிறக்கும் எனும் பெரும் நம்பிக்கையோடு விவசாயிகளும் மக்களும் தைமகளை வரவேற்றமை குறிப்பிடத்தக்கதாகும்.

, , ,

January 13, 2025



தைத்திருநாள் நாளை செவ்வாய்க் கிழமை கொண்டாடப்படுகின்றது. புத்தாடைகளைக் கொள்வனவு செய்வதில் மக்கள் மிகுந்த ஆர்வம் காட்டும் அதேவேளையில், புதிய சட்டி, பானை,பாத்திரங்களைக் கொள்வனவு செய்வதிலும் மக்கள் மழைக்கு மத்தியிலும் ஆர்வங் காட்டுவதை பார்க்க முடிந்தது.
, ,

January 13, 2025

 


வி.சுகிர்தகுமார்        


 தேசிய மக்கள் சக்தியின் ஆலையடிவேம்பு பிரதேச ஒருங்கிணைப்பு காரியாலயம் இன்று (13) திறந்து வைக்கப்பட்டது.
தேசிய மக்கள் சக்தியின் ஆலையடிவேம்பு பிரதேச இணைப்பாளர் ஆர்.ரதீசன் தலைமையில் இடம்பெற்ற அலுவலக திறப்பு விழாவில் அம்பாரை மாவட்ட தமிழ் மக்கள் சக்தியின் பாராளுமன்ற உறுப்பினர்களான மஞ்சுள ரத்நாயக்க மற்றும் ஆதம்பாவா ஆகியோர் பிரதம அதிதிகளாக கலந்து கொண்டதுடன் பொத்துவில் தொகுதி இணைப்பாளர் மற்றும் திருக்கோவில் பிரதேச பொறுப்பாளர் அன்ரன் உள்ளிட்ட கட்சியின் முக்கியஸ்தர்கள் ஆதரவாளர்கள் என பலர் கலந்து கொண்டனர்.
திறப்பு விழாவிற்காக வருகை தந்த அதிதிகள் வரவேற்கப்பட்டதுடன் பிரதம அதிதிகள் இணைந்து கட்சியின் ஆலையடிவேம்பு பிரதேச ஒருங்கிணைப்பு காரியாலயத்தை திறந்து வைத்தனர்.
இதன் பின்னராக இடம்பெற்ற கூட்டத்திலும் கலந்து கொண்டனர்.
இக்காரியாலயம் மூலம் மக்கள் தங்களது முறைப்பாடுகளை தெரிவிக்க முடியும் எனவும் மாதம் இரு முறை பாராளுமன்ற உறுப்பினர் ஒருவர் இக்காரியாலயத்திற்கு வருகை தருவார் எனவும் தெரிவிக்கப்பட்டது.
இதேநேரம் இங்கு உரையாற்றிய பாராளுமன்ற உறுப்பினர் ஆதம்பாவா   இலங்கையில் இப்போது புதிய மாற்றம் ஏற்பட்டுள்ளதாக கூறினார்.
தமிழர் சிங்களவர் முஸ்லிம்கள் என வேறுபாடின்றி நிம்மதியாக வாழ்ந்து கொண்டிருக்கின்றோம். மொழி வாதம் பிரதேச வாதம் இனவாதம் போசாமல் பேசாமல் இலங்கையர் என வாழ்வதற்கு ஆயத்தம் செய்து கொண்டிருக்கின்றோம்.இதுவே நாட்டில் இன்று ஏற்பட்டுள்ள பெருமாற்றம் என்றார்.
மேலும் நாட்டில் எரிபொருளின் விலையை குறைத்துள்ளோம். 90 பில்லியானாக இருந்த கடனை குறைத்துள்ளோம். வீதிகளில் இருந்த வீதித்தடைகளை எடுத்துள்ளோம் என குறிப்பிட்டார்.

,

January 13, 2025

 


வி.சுகிர்தகுமார்        


 அம்பாரை மாவட்டம் ஆலையடிவேம்பு பிரதேச செயலாளர் பிரிவில் வாழும் தெரிவு செய்யப்பட்ட வருமானம் குறைந்த மக்களுக்கான பொங்கல் பானைகளும் பொங்கல் பொருட்களும் இன்று வழங்கி வைக்கப்பட்டதுடன் சக்தி பொங்கல் வழிபாடுகளும் ஆலையடிவேம்பு பிரதேச செயலகத்தில் சிறப்பாக இடம்பெற்றன.
மேல்மருவத்தூர் அருள்மிகு ஆதிபராசக்தி சித்தர் பீடம் கல்வி சமூக நலன் அறப்பணி மையத்தின் அனுசரணையோடு அக்கரைப்பற்று பகுதி பொறுப்பாளர் நவீன் தலைமையில் இடம்பெற்ற நிகழ்வில் ஆலையடிவேம்பு பிரதேச செயலாளர் ஆர்.திரவியராஜ் கலந்து கொண்டார்.
பூஜை வழிபாடுகளோடு ஆரம்பமான நிகழ்வில் மாணவர்களின் கலை நிகழ்வுகள் அரங்கேற்றப்பட்டன.
தொடர்ந்து பங்காரு அடிகளாரின் அற்புதங்கள் பற்றியும் அவரது வழியில் பக்தர்கள் ஆற்றிவரும் சேவைகள் தொடர்பிலும் உரைகள் இடம்பெற்றன.
இதன் பின்னராக பிரதேச செயலாளர் உள்ளிட்ட பிரதேச செயலக அதிகாரிகள் இணைந்து வருமானம் குறைந்த மக்களுக்கான பொங்கல் பானைகளும் பொங்கல் பொருட்களையும் வழங்கி வைத்தனர்.

, , ,

January 13, 2025


பொங்கும் மங்கலம் 

எங்கும் தங்குக! என்று வாழ்த்து மழை பொழிகின்றது  www.ceylon24.com குழுமம்.


தித்திக்கும் தமிழ் போல‌

பொங்கட்டும் பொங்கலது புதுப்பானையில் இட்ட பொங்கல் போல‌ திகழட்டும் தேசமது திகட்டாத கரும்பு போல‌ இனிக்கட்டும் மனிதனின் மனது நெய்யில் வறுத்த முந்திரி போல‌ வாசம் பெருகட்டும் பூமியெங்கும் அனைவருக்கும் இனிய பொங்கல் நல்வாழ்த்துக்கள்!
,

January 12, 2025


 காரைதீவு ஸ்ரீமன் நாராயணன் ஆலயத்தில் சிறப்பாக இடம்பெற்ற சுவர்க்கவாயிலேகாதசி விரத பூஜைகள் மற்றும் திருப்பாவை பூசை தீர்த்தோற்சவத்தின் போது..


,

January 04, 2025

 



அந் நூர் பாலர் பாடசாலை மாணவர்கள் விடுகை நிகழ்வும், கௌரவிப்பும் !

மாவடிப்பள்ளி அந் நூர் பாலர் பாடசாலையின் இவ்வாண்டுக்கான மாணவர்கள் விடுகை நிகழ்வும் விளையாட்டு போட்டியும் மாவடிப்பள்ளி அஸ்ரப் மகா வித்தியாலயத்தில் மாவடிப்பள்ளி அந் நூர் பாலர் பாடசாலையின் தலைவர் எம்.எம். லியாக்கத்துல்லாஹ்வின் தலைமையில் வெள்ளிக்கிழமை நடைபெற்றது.
17 வது வருடமாக நடைபெற்ற இந்த நிகழ்வில் பிரதம அதிதியாக பார்ட்னர்ஸ் போ சேன்ஜ் இன்டெர்னஷனல் நிறுவன சிரேஷ்ட நிகழ்ச்சித்திட்ட பணிப்பாளர் றிசாத் ஷெரீப் கலந்து கொண்டார். மேலும் விசேட அதிதிகளாக மாவடிப்பள்ளி கமு/கமு/ அஸ்ரப் மகா வித்தியாலய அதிபர் ஏ.எல். ரஜாப்தீன், கிழக்கு மாகாண கூட்டுறவு ஊழியர்கள் ஆணைக்குழு முன்னாள் உறுப்பினரும், அல்- மீஸான் பௌண்டஷன் ஸ்ரீலங்காவின் தவிசாளருமான யூ.எல்.என். ஹுதா உமர், மாவடிப்பள்ளி ஜும்ஆ பெரிய பள்ளிவாசல் தலைவர் வை.ஏ. மனாப் ஆகியோர் கலந்து கொண்டனர்.
பாலர் பாடசாலை மாணவர்களின் விளையாட்டு நிகழ்ச்சிகள் இடம்பெற்றதுடன், அவர்களுக்கான கௌரவிப்பும் நடைபெற்றது. மேலும் இந்நிகழ்வில் பாடசாலை அதிபர், ஆசிரியர்களுக்கு மாணவர்களின் பெற்றோர்களால் கௌரவம் வழங்கப்பட்டதுடன் மாவடிப்பள்ளி அல்- மதீனா பாலர் பாடசாலை மற்றும் மாவடிப்பள்ளி ரஹ்மானியா பாலர் பாடசாலை ஆகியவற்றின் நிர்வாகிகள், ஆசிரியர்கள், மாணவர்கள், பெற்றோர்கள் உட்பட பலர் கலந்து கொண்டனர்.
,

December 27, 2024


 பாறுக் ஷிஹான்


திகமாடுல்ல மாவட்ட பாராளுமன்ற உறுப்பினர் ஏ. ஆதம்பாவாவினால்  ஏற்பாடு செய்யப்பட்ட சுனாமி அனர்த்தத்தில் உயிர் இழந்த உறவுகளை நினைவு கூரும் துஆ பிரார்த்தனை  வியாழக்கிழமை(26)  அக்பர் ஜும்மா பள்ளி வாசலில் இஷா தொழுகையை தொடர்ந்து இரவு  நடைபெற்றது.

இந் நிகழ்வில் பொது மக்கள்  உலமாக்கள்  என பலரும் கலந்து கொண்டனர்.

இலங்கை வரலாற்றில்   பேரழிவை ஏற்படுத்திய சுனாமி அனர்த்தத்தை எதிர்கொண்டு   20 வருடங்கள் பூர்த்தியாகின்ற நிலையில் நாடாளவிய ரீதியில் விசேட நினைவேந்தல் நிகழ்வுகள் ஏற்பாடு செய்யப்பட்டிருந்தன.

சுனாமி அனர்த்தத்தினால் உயிரிழந்த இலங்கையர்களை நினைவுகூரும் வகையில்   காலை 9.25 முதல் 9.27 வரை நாடு முழுவதும் இரண்டு நிமிடம் மௌன அஞ்சலி செலுத்துமாறு மக்களிடம் கோரிக்கை விடுக்கப்பட்டிருந்தது.

சுனாமி அனர்த்தத்தை நினைவுகூரும் வகையில் டிசம்பர் 26 ஆம் திகதி தேசிய பாதுகாப்பு தினமாக பிரகடனப்படுத்தப்பட்டுள்ளதுடன்  இது தொடர்பான மாவட்ட ரீதியாக முன்னெடுக்கப்படுகின்றமை குறிப்பிடத்தக்கது.

,

December 27, 2024

\


 ( வி.ரி.சகாதேவராஜா)


மட்டக்களப்பு  செட்டிபாளையம் சிவன் ஆலய புனராவர்த்தன அஷ்ட பந்தன நவகுண்டபக்ஷ மஹா கும்பாபிஷேகத்துக்கான முதலாவது அழைப்போலையானது மண்முனை தென் எருவில் பற்று பிரதேச செயலாளர் திருமதி. சிவப்பிரியா வில்வரத்தினத்திற்கு நேற்று வழங்கி வைக்கப்பட்டது.

அதனைத் தொடர்ந்து பட்டிருப்பு வலய கல்வி பணிப்பாளர் சி.ஸ்ரீதரனுக்கும், மண்முனை தென் எருவில் பற்று பிரதேச சபை செயலாளர் அ.அறிவழகனுக்கும், களுவாஞ்சிகுடி இலங்கை மின்சார சபையினுடைய மின் அத்தியட்சகர்  ச.கௌசீகனுக்கும்வழங்கி வைக்கப்பட்டது .

மேலும் வங்கி முகாமையாளர்கள் உட்பட களுவாஞ்சிக்குடி பிரதேச அலுவலகங்களுக்கும் வழங்கி வைக்கப்பட்டன.

இலங்கையிலேயே தென் திசை
நோக்கி தட்சிணாமூர்த்தியாக சிவலிங்க வடிவில் வேண்டுவோர் வேண்டியபடி அருள்பாலிக்கும் எம்பெருமானுக்கு குரோதி வருடம் தைத்திங்கள் 27 ஆம் நாள் (09.02.2025) ஞாயிற்றுக்கிழமை திருவாதிரை நட்சத்திர சுபமுகூர்த்த வேளையில் கும்பாபிஷேகம் நடைபெறுவதற்கு பூர்வாங்க ஏற்பாடுகள் மேற்கொள்ளப்பட்டு வருகின்றமை குறிப்பிடத்தக்கது 

இந் நிகழ்வில் சிவனாலய தலைவர் மு.பாலகிருஷ்ணன்  செயலாளர், உப தலைவர் உட்பட ஆலய நிருவாக சபையினர் கலந்து கொண்டனர்.

வெகு விரைவில் கட்டம் கட்டமாக அனைவருக்கும் அழைப்புகளை வழங்குவதற்கான நடவடிக்கைகளை  நிருவாக சபை  மேற்கொண்டு வருகின்றது.

, ,

December 26, 2024

 



மாளிகைக்காடு செய்தியாளர்


கடந்த 2004 உலகை தாக்கிய சுனாமி பேரலையின் 20 வது ஆண்டு நினைவு தின துஆ பிராத்தனையும் குர்ஆன் தமாம் செய்யும் நிகழ்வும் இன்று (26) காலை மாளிகைக்காடு அந்-நூர் ஜும்ஆ பெரிய பள்ளிவாசல் ஏற்பாட்டில் பள்ளிவாசலின் பதில் தலைவர் ஏ.எம். ஜாஹீரின் தலைமையில் நடைபெற்றது.

சுனாமியால் உயிர் நீத்த உறவுகளுக்கான துஆ பிரார்த்தனையை மாளிகைக்காடு அந்-நூர் ஜும்ஆ பெரிய பள்ளிவாசலின் பேஸ் இமாம் மௌலவி ஏ.எல்.எம். மின்ஹாஜ் (உஸ்மானி) நிகழ்த்தினார். இந்நிகழ்வில் உலமாக்கள், மாளிகைக்காடு கிராம நிலதாரி ஏ.எம். நஜீம், மாளிகைக்காடு அந்-நூர் ஜும்ஆ பெரிய பள்ளிவாசல் செயலாளர் யூ.எல்.என். ஹுதா உமர், பொருளாளர் எம்.எப்.எம். றிபாஸ், ஆலோசகர் ஐ. இஸ்திகார் உட்பட நிர்வாகிகள், முக்கியஸ்தர்கள் பலரும் கலந்து கொண்டனர்.  
, ,

December 25, 2024

 


பாறுக் ஷிஹான்

கிறிஸ்மஸ் பண்டிகையை முன்னிட்டு நாடளாவிய ரீதியிலுள்ள அனைத்து கிறிஸ்தவ தேவாலயங்களுக்கும் விசேட பாதுகாப்பு நடவடிக்கைகள் அமுல்படுத்தப்பட்டுள்ளது.

இதனடிப்படையில் அம்பாறை மாவட்டத்தில் உள்ள சகல கிறிஸ்தவ தேவாலயங்களுக்கும் பொலிஸ் மற்றும் முப்படையினரின் பாதுகாப்பு வழங்கப்பட்டிருந்தது.


படையினரின் உதவியும் பெறப்படும் என்றும் குறிப்பிட்டார். கடந்த காலங்களின் இடம்பெற்ற அசம்பாவிதங்களை போல இனிவரும் காலங்களில் நடைபெறாமலிருக்க இப் பாதுகாப்பு நடவடிக்கைகள் முன்னெடுக்கப்பட்டுள்ளதாகவும்  நத்தார் மற்றும் புத்தாண்டு பண்டிகைக் காலங்களில் பொதுமக்களின் பாதுகாப்பை உறுதிப்படுத்தும் வகையில்  விரிவான பாதுகாப்புத் வேலைத்திட்டம் முன்னெடுக்கப்பட்டுள்ளதாகவும் அவர் கருத்து தெரிவித்துள்ளமை குறிப்பிடத்தக்கது.

,

December 23, 2024

 

(சுகிர்தகுமார)


 அக்கரைப்பற்று இந்து இளைஞர் மன்றத்தின் வருடாந்த இறுதி ஒன்று கூடல் நேற்றிரவு (22) மன்றத்தின் ஒன்று கூடல் மண்டபத்தில் நடைபெற்றது.
இந்து இளைஞர் மன்றத்தின் தலைவரும் விபுலானந்தா சிறுவர் இல்லத்தின் ஸ்தாபகருமான த.கயிலாயபிள்ளை தலைமையில் இடம்பெற்ற நிகழ்வுகளில் ஆலையடிவேம்பு பிரதேச செயலாளர் ஆர்.திரவியராஜ் அம்பாரை மாவட்ட நீர்ப்பாசன திணைக்கள் உதவிப்பணிப்பாளர் ராஜ்குமார் உதவும் கரங்கள் அமைப்பின் உறுப்பினர் வசந்தகுமார் உள்ளிட்ட மன்றத்தின் முக்கியஸ்தர்கள் உறுப்பினர்கள் என பலர் கலந்து கொண்டனர்.
இந்து இளைஞர் மன்றத்தின் கடந்தகால செயற்பாடுகள் மற்றும் எதிர்காலதிட்டங்கள் தொடர்பில் தலைவர் மற்றும் உறுப்பினர்களால் தெளிவுபடுத்தப்பட்டது.
இதேநேரம் இந்து இளைஞர் மன்றத்தின் எதிர்கால செயற்பாடுகளுக்கு பலரும் தமது உதவியினை வழங்குவதாக உறுதி அளித்தனர்.
ஒன்று கூடலை சிறப்பிக்கும் வகையில் வளர்ந்துவரும் மண்ணின் இளைய பாடகர்களும் இணைந்து பாடல்களை பாடி சபையினை உற்சாகப்படுத்தினர்.
இறுதியில் வளர்ந்துவரும் பாடர்களுக்கு பரிசில்களும் வழங்கி வைக்கப்பட்டன.

,

December 19, 2024


 ( வி.ரி. சகாதேவராஜா)

 மண்முனை தென் எருவில்பற்று பிரதேச செயலக உத்தியோகத்தர்களின் வருடாந்த  ஒளி விழா  பிரதேச செயலாளர் திருமதி சிவப்பிரியா வில்வரத்னத்தின் தலைமை மற்றும் வழிக்காட்டுதலின் கீழ் பிரதேச செயலக மாநாட்டு மண்டபத்தில்  இன்று வியாழக்கிழமை நடைபெற்றது.

அதிதிகளினால் மங்கல விளக்கேற்றப்பட்டதை  தொடர்ந்து குறுமண்வெளி மெதடிஸ்த திருச்சபையின் சகோ.இராமையா ஜஸ்டின் பிரபாகரனின்  ஆசிச்செய்தியுடன் நிகழ்வுகள் ஆரம்பித்து வைக்கப்பட்டன.

அதனைத் தொடர்ந்து அலுவலக உத்தியோகத்தர்களினால் கரோல் கீதம், நாடகம், நடனம் போன்ற பல கலைநிகழ்வுகள் ஆற்றுகை செய்யப்பட்டதுடன் , நத்தார் தாத்தா வருகை மற்றும்  அலுவலக உத்தியோகத்தர்களின் பிள்ளைகளுக்கான பரிசில்களும் வழங்கிவைக்கப்பட்டது.

இந் நிகழ்வில் உதவி பிரதேச செயலாளர் திருமதி சத்யகௌரி தரணிதரன், நிருவாக உத்தியோகத்தர்  வே. தவேந்திரன், அலுவலக பதவிநிலை உத்தியோகத்தர்கள் உட்பட அலுவலக  உத்தியோகத்தர்கள் என பலரும் கலந்து கொண்டிருந்தனர்.
, ,

December 15, 2024

 



மாளிகைக்காடு செய்தியாளர்


சிறிலங்கா முஸ்லிம் காங்கிரஸ் சார்பில் மட்டக்களப்பு மாவட்டத்தினை பிரதிநிதித்துவப்படுத்தி வேட்பாளராக போட்டியிட்டு வெற்றி பெற்றதற்காக கிழக்கு மாகாண முன்னாள் ஆளுநரும், பாராளுமன்ற உறுப்பினருமான கலாநிதி எம்.எல்.எம்.ஏ. ஹிஸ்புல்லாஹ் அவர்களை கௌரவிக்கும் நிகழ்வு (14) சனிக்கிழமை காத்தான்குடி பள்ளிவாசல் முஸ்லிம் நிறுவனங்களின் சம்மேளனத்தில் இடம்பெற்றது.

காத்தான்குடி பள்ளிவாயல்கள் முஸ்லிம் நிறுவனங்களின் சம்மேளனத்தின் ஏற்பாட்டில் அதன் தலைவர் ஏ.எம்.எம். தௌபீக் தலைமையில் சம்மேளனத்தின் மாநாட்டு மண்டபத்தில் இந்நிகழ்வு நடைபெற்றது.

பாராளுமன்ற உறுப்பினராக தெரிவு செய்யப்பட்டமைக்கு பொன்னாடை போற்றி நினைவுச் சின்னம் வழங்கி கௌரவிக்கும் நிகழ்வு இதன்போது இடம்பெற்றது. இந் நிகழ்வில் காத்தான்குடி பள்ளிவாயல்கள் முஸ்லிம் நிறுவனங்களின் சம்மேளனத்தின் பிரதிநிதிகள், ஸ்ரீலங்கா முஸ்லிம் காங்கிரஸின் அரசியல் பிரமுகர்கள், உலமாக்கள், சமூக செயற்பாட்டாளர்கள் என பலர் பங்கேற்றிருந்தமை குறிப்பிடத்தக்கது.
,

December 15, 2024


 (பாறுக் ஷிஹான்)


கார்த்திகை தீபத் திருவிழாவை  இந்துக்கள் நாடளாவிய ரீதியில்  கோலாகலமாக கொண்டாடி வருகின்றனர்.

சனிக்கிழமை(14)   இதையொட்டி இரவு  பெண்கள் ஆண்கள் சிறுவர்கள் என  வீடுகள்   தெருக்கள்  மற்றும் கோவில்களில் விளக்கு ஏற்றி வழிபாடு செய்ததை அவதானிக்க முடிந்தது.

சிறுவர் சிறுமியர் தத்தமது வீடுகளுக்கு முன்னால்  தீபம் ஏற்றி ஆனந்தமடைந்தனர்.

மேலும் அம்பாறை மாவட்டத்தில்  காரைதீவு, சம்மாந்துறை,பெரியநீலாவணை ,கல்முனை, பாண்டிருப்பு, நற்பிட்டிமுனை ,சேனைக்குடியிருப்பு ,வீரமுனை ,நாவிதன்வெளி ,அன்னமலை ,மத்தியமுகாம் ,அக்கரைப்பற்று ,திருக்கோவில் ,கோளாவில்  ,ஆலையடிவேம்பு ,பகுதிகளில் உள்ள  முருகன் ஆலயங்களில் குமாராலய தீபம்   நடைபெற்ற நிலையில் ஏனைய தெய்வ ஆலயங்களில்   சொர்க்கப்பானை எரித்து கார்த்திகைத் தீபத் திருவிழா சிறப்பாக  இடம்பெற்றன.
,

December 14, 2024

 


வரலாற்று பிரசித்தி பெற்ற உகந்தமலை ஸ்ரீ  முருகன் ஆலயத்தில் நேற்று இரவு திருக்கார்த்திகை தீபம் ஆலய பிரதம குரு சிவஸ்ரீ க.கு.சீதாராம் குருக்கள் தலைமையில் இடம் பெற்ற போது ...


Subscribe to: Posts (Atom)

இணையவழி,குறுந்தகவல் மூலமாக, பொருட்களைச்,சந்தைப்படுத்துங்கள்! On WEB-ceylon24.com On Twitter @ceylon24 Tel:0777 761 477, 0759 761 477

Powered by Blogger.