விளக்கமறியலில் வைக்கப்பட்டிருந்த சந்தேக நபர் நீதிமன்றத்திற்கு அழைத்து வந்த நிலையில் தப்பி ஓடிய சம்பவம் ஒன்று இடம்பெற்றுள்ளது.இதன் போது தப்பி சென்ற சந்தேக நபரை பொலிஸார் உட்பட சிறைச்சாலை அதிகாரிகள் தேடி வருகின்றனர்.
இச்சம்பவம் அம்பாறை மாவட்டம் சம்மாந்துறை நீதிவான் நீதிமன்ற வளாகத்தில் வெள்ளிக்கிழமை(20) இடம்பெற்றுள்ளது.
28 வயது மதிக்கத்தக்க சந்தேக நபரே மட்டக்களப்பு சிறைச்சாலையில் இருந்து சம்மாந்துறை நீதிவான் நீதிமன்றத்திற்கு வழக்கு ஒன்றிற்காக சிறைச்சாலை பஸ்ஸில் அழைத்து வரும் போது இவ்வாறு தப்பி சென்றுள்ளார். ர்.
தம்பிலுவில்01 பிரதான வீதியில் மோட்டார் சைக்கிள் திருட்டூ சம்பவம்.... .
அம்பாறை மாவட்டம் திருக்கோவில் பொலிஸ்பிரிவுக்குட்பட்ட தம்பிலுவில் 01 பிரதான வீதியில் நிறுத்தி வைக்கப்பட்டிரூந்ந மோட்டார் சைக்கிள் ஒன்று களவாடப்பட்டுள்ளது.....
இது பற்றி தெரியவருவது தம்பிலுவில் சரஸ்வதி வித்தியாலத்திற்கு அருகில் நிறுத்தி வைக்கப்பட்டிருந்த Ep MF 5936 எனும் இலக்க தகடு உடைய மோட்டார் சைக்கிளே திருடப்பட்டுள்ளது......
குறித்த மோட்டார் சைக்கிள் கண்டிருந்தாலோ தகவல் தெரிந்திருந்தால் திருக்கோவில் பொலிஸ்க்கு தகவல் வழங்கவும்.....
மட்டு கரடியனாறில் நடந்து சென்ற பாதசாரி மீது ஜீப்வண்டி மோதியதிய சம்பவம் தொடர்பாக கரடியனாறு பொலிஸ் நிலைய பொறுப்பதிகாரி கைது
(கனகராசா சரவணன்)
செங்கலடி கரடியனாறு பிரதான வீதி காயங்குடா பகுதியில் வீதியில் நடந்து சென்ற பாதசாரி மீது கரடியனாறு பொலிஸ் பொறுப்பகாரி ஓட்டிச் சென்ற ஜீப்வண்டி மோதிய விபத்தி ஒருவர் படுகாயமடைந்த சம்பவம் நேற்று சனிக்கிழமை ((07) இரவு 10 மணிக்கு இடம்பெற்றுள்ளதுடன் குறித்த பொலிஸ் அதிகாரியை கைது செய்துள்ளதாக பொலிஸ் உயர் அதிகாரி ஒருவர் தெரிவித்தார்.
இது தொடர்பாக தெரியவருவதாவது
மட்டக்களப்பு மாவட்ட சிரேஷ்ட பொலிஸ் அத்தியட்சகர் அமல் ஏ. எதிர்மன்ன இடமாற்றம் பெற்றுச் செல்கின்றதையடுத்து அவருக்கு இரவு போசனம் வழங்கி பிரியாவிடை செய்யும் நிகழ்வு பாசிக்குடாவில் உள்ள ஹோட்டல் ஒன்றில் நேற்று சனிக்கிழமை இரவு இடம்பெற்றது இதில் மாவட்டதிலுள் பொலிஸ் நிலைய பொறுப்பதிகாரிகள் கலந்துகொண்டனர்
இந்த இரவு போசன நிகழவுக்கு கரடியனாறு பொலிஸ் நிலைய பொறுப்பதிகாரி அவருக்கு சொந்தமான ஜீப்வண்டியில் தனியா சென்று அங்கு அவர் பாட்டியை முடித்துக் கொண்டு இரவு 10.00 மணிக்கு கரடியனாறு பொலிஸ் நிலையத்துக்கு ஜீப் வண்டியில் திரும்பிக் கொண்டிருந்தபோது காயங்;குடா பகுதியில் பிரதான வீதியால் நடந்து சென்ற ஒருவர் மீது மோதி விபத்துக்குள்ளானது
இதில் நடந்து சென்ற பாதசாரி படுகாயமடைந்த நிலையில் மட்டக்களப்பு போதனா வைத்தியசாலை அவசர பிரிவில் அனுமதிக்கப்பட்டதுடன் வாகனத்தை ஓட்டிச் சென்ற பொலிஸ் பொறுப்பதிகாரி செங்கலடி வைத்தியசாலை அனுமதிக்கப்பட்ட நிலையில் இன்று ஞாயிற்றுக்கிழமை (8) காலை சிகிச்சையை பெற்று வெளியேறியுள்ளார்
இந்த நிலையில் குறித்த விபத்து தொடர்பான சம்பவம் தொடர்பாக கரடியனாறு பொலிஸ் பொறுப்திகாரியை கைது செய்ததுடன் அவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக அவர் தெரிவித்தர்.
இது தொடர்பான மேலதிக விசாரணைகளை கரடியனாறு போக்குவரத்து பொலிசார் மேற்கொண்டுவருகின்றனர்.
மதுபோதையில் வாகனத்தை செலுத்தி விபத்தொன்றை ஏற்படுத்திய குற்றச்சாட்டில் கைதான முன்னாள் இராஜாங்க அமைச்சர் லொஹான் ரத்வத்த விளக்கமறியலில் வைக்கப்பட்டுள்ளார்.
மாசிச் சம்பலில் (203 மில்லி கிராம்) பென்சோமிக் அமிலப் பதார்த்தத்தை கலந்து விற்பனை செய்த விற்பனையாளருக்கும் உற்பத்தியாளருக்கும் தலா பத்தாயிரம் ரூபாய் தண்டப்பணம் விதித்ததுடன் கடுமையாக எச்சிரிக்கை விடுக்கப்பட்டது.
அக்கரைப்பற்று பொதுச் சுகாதார பரிநோதகரினால், இந்த வழக்கானது அக்கரைப்பற்று நீதிமன்றில் உற்பத்தியாளரான கல்முனையைச் சேர்ந்தவருக்கும், விற்பனையாளரான அக்கரைப்பற்று காதிரியா கடற்கரை வீதியசை் சேர்நதவருக்கும், எதிராக 1980ம் ஆண்டின் 26ம் இலக்க உணவுக் கட்டளைச் சட்டத்தின்பிரிவு 13(1) இன் கீழ் தாக்கல் செய்யப்பட்டிருந்தது.
நீதிமன்ற னௌரவ நீதிபதி ஏ.சி.றிஸ்வான் அவர்கள் குறித்த குற்றவாளிகளை கடுமையாக எச்சரித்துடன் இன்றைய தினம் தலா பத்தாயிரம் தண்டப் பணமும் விதித்து கட்டளை ஆக்கினார்..
இனிவரும் காலங்களில் இது போன்ற குற்றங்கைளை மீளவும் இவர்கள் செய்தால், உரிமமானது இரத்துச் செய்யப்படும் என்பதையும் எடுத்து இயம்பி இருந்தார்.
மட்டக்களப்பு ஏறாவூர் பொலிசார் விசேட சுற்றிவளைப்பு நடவடிக்கை ஒன்றில் நீதிமன்ற பிடிவிறாந்து பிறப்பிக்கப்பட்ட 8 பேரை நேற்று புதன்கிழமை (04) இரவு கைது செய்துள்ளதாக பொலிசார் தெரிவித்தனர்.
மாவட்டத்தில் பல குற்ற செயல்கள் தொடர்பாக கைது செய்யப்பட் ஏறாவூர் பொலிஸ் நிலைய பிரதேசத்தைச் சேர்ந்த பலர் கைது செய்யப்பட்டு அந்தந்த நீதிமன்ற நியாயதிக்க எல்லையிலுள்ள நீதிமன்றங்களில் ஆஜர்படுத்தப்பட்டு நீதிமன்ற பிணையில் வெளிவந்த பின்னர் நீதிமன்றங்களுக்கு ஆஜராகாமல் வந்துள்ளவர்களுக்கு நீதிமன்ற பிடியாணை பிறப்பித்துள்ளது
இந்த பிடிவிறாந்து பிறப்பிக்கப்பட்டு தலைமறைவாகி வந்தவர்களை தேடி கண்டு பிடிக்கும் விசேட சுற்றிவளைப்பினை சம்பவதினமான நேற்று மேற்கொண்ட சுற்றிவனைப்பு தேடுதலில் தலைமறைவாகி இருந்த நீதிமன்ற பிடிவிறாந்து பிறப்பிக்கப்பட்ட 8 பேரை கைது செய்தனர்
இதில் கைது செய்யப்பட்டவர்களை நீதிமன்றில் ஆஜர்படுத்த நடவடிக்கை எடுத்துவருவதாக பொலிசார் தெரிவித்தனர்.
அக்கரைபற்று நீதிமன்ற கௌரவ நீதிபதி ஏ.சி.றிஸ்வான் அவர்களின் பிரசன்மத்துடன் இந்த ஜனாசா அட்டாளச்சேனை மையவாடியில் இன்று தோண்டி எடுக்கப்பட்டு அம்பாரை சட்ட வைத்திய அதிகாரிக்கு பிரேதப் பரிசோதனைக்காக அனுப்பப்பட்டுள்ளது. குறித்த துன்பியல் சம்பவத்துடன் சம்மந்தப்பட்டதாகச் சொல்லப்படும், அவரது கணவர் கைது செய்யப்பட்டு டிசம்பர் 6ந் திகதி வரை விளக்கமறியலில் வைக்கப்பட்டுள்ளார்.
முந்தைய செய்தி-
அட்டாளைச்சேனையில் மர்மான முறையில் உயிரிழந்ததாகச் சந்தேகிக்கப்படும் இளம் பெண் ஒருவரது ஜனாசா இன்றைய தினம் மீளவும் பிரேதப் பரிசோதனைக்காகத் தோண்டப்படவுள்ளது.இதற்கென அம்பாரையிலிருந்து தடயவியல் பொலிசார் வரவழைக்கப்பட்டுள்ளார்கள். அக்கரைபற்று நீதிமன்ற கௌரவ நீதிபதி ஏ.சி.றிஸ்வான் அவர்களின் பிரசன்மத்துடன் இந்த ஜனாசா அட்டாளச்சேனை மையவாடியில் இன்று மாலை அகழ்ந்தெடுக்கப்படவுள்ளது.
குறித்த துன்பியல் சம்பவத்துடன் சம்மந்தப்பட்டதாகச் சொல்லப்படும், அவரது கணவர் கைது செய்யப்பட்டு டிசம்பர் 6ந் திகதி வரை விளக்கமறியலில் வைக்கப்பட்டுள்ளார்.
பாடசாலை மாணவர்கள் உட்பட இளைஞர்களை இலக்கு வைத்து ஐஸ் போதைப் பொருட்களை வியாபாரம் செய்து வந்த சந்தேக நபரை இரண்டாவது தடவையாக கல்முனை விசேட அதிரடிப்படையினர் கைது செய்துள்ளனர்.
இன்று (20 ) அதிகாலை கல்முனை விசேட அதிரடிப்படையினருக்கு கிடைக்கப்பெற்ற இரகசிய தகவலின் பேரில் மேற்கொள்ளப்பட்ட சோதனை நடவடிக்கையின் போது சந்தேகத்திற்கிடமாக நடமாடிய குறித்த சந்தேக நபரை 1 கிராம் 60 மில்லி கிராம் ஐஸ் போதைப்பொருளுடன் கைது செய்யப்பட்டார்.
அத்துடன் குறித்த சந்தேக நபர் ஏலவே கல்முனை பொலிஸ் பிரிவுக்குட்பட்ட பகுதியில் ஐஸ் போதைப்பொருளுடன் மற்றுமொருவருடன் கல்முனை கடற்கரை பள்ளி வீதியில் வைத்து கல்முனை விசேட அதிரடிப் படையினர் கைது செய்யப்பட்டிருந்தமை குறிப்பிடத்தக்கது.
கைதான சந்தேக நபர் கல்முனை குடி மதிரிஸா வீதியை வசிப்பிடமாக கொண்ட இரண்டு பிள்ளையின் தந்தை என்றும் கடந்த நவம்பர் மாதம் (11) ஆந் திகதி ஐஸ் போதையுடன் ஏலவே அவர் கைது செய்யப்பட்டு பிணையில் வெளிவந்தவர் என விசாரணையில் இருந்து தெரிய வந்துள்ளது.
இதனையடுத்து சந்தேக நபரை இன்று கல்முனை பொலிஸ் நிலையத்தில் ஒப்படைத்த கல்முனை விசேட அதிரடிப்படையினர் மேலதிக விசாரணைகளை மேற்கொண்டுள்ளனர்.
மேலும் இந்த கைது நடவடிக்கையானது கல்முனை விசேட அதிரடிப்படை முகாம் பொறுப்பதிகாரி பொலிஸ் பரிசோதகர் ஆர்.ஏ.டி.சி.எஸ்.ரத்நாயக்கவின் பணிப்புரைக்கமைய முன்னெடுக்கப்பட்டுள்ளமை குறிப்பிடத்தக்கது.
கைத்துப்பாக்கி மற்றும் 143 தோட்டாக்களுடன் கைது செய்யப்பட்ட முன்னாள் இராணுவ வீரரிடம் மேலதிக விசாரணைகள் பல கோணங்களில் முன்னெடுக்கப்பட்டுள்ளது.
அம்பாறை வாவின்ன பரகஹகலே பகுதியில் வைத்து கடந்த 17.11.2024 அன்று மாலை கைது செய்யப்பட்ட நபர் பின்னர் இகினியாகல பொலிஸாரிடம் ஒப்படைக்கப்பட்டார்.
அம்பாறை விசேட அதிரடிப் படை புலனாய்வுப் பிரிவினருக்கு கிடைத்த இரகசியத் தகவலின் பேரில் இகினியாகல பொலிஸ் பிரிவுக்குட்பட்ட வாவின்ன பரகஹகலே பகுதியில் உள்ள வீடொன்றில் வைத்து வெளி நாட்டில் தயாரிக்கப்பட்ட மைக்ரோ ரக தானியங்கி கைத்துப்பாக்கி மற்றும் 143 தோட்டாக்கள் மற்றும் இரண்டு தோட்டா மெகசீன்கள் மற்றும் ஆயுதங்களை சுத்தம் செய்யும் கருவியை தம்வசம் வைத்திருந்த சந்தெக நபர் கைது செய்யப்பட்டார்.
குறித்த கைதான சந்தேக நபர் 51 வயது மதிக்கத்தக்க முன்னாள் ஓய்வுபெற்ற இராணுவ சிறப்புப் படை வீரர் என்பதுடன் அவரது வீட்டு காணியில் புதைக்கப்பட்டிருந்த நிலையில் குறித்த 9 எம்.எம் துப்பாக்கி மற்றும் 143 தோட்டாக்கள் கண்டுபிடிக்கப்பட்டுள்ளன.அத்துடன் மீட்கப்பட்ட துப்பாக்கியின் இலக்கம் அழிக்கப்பட்டுள்ளதுடன் சந்தேக நபர் தொடர்பிலும் அவர் வசம் மீட்கப்பட்ட துப்பாக்கி தொடர்பிலும் பொலிஸ் விசேட அதிரடிப்படையினர் விசாரணைகளை மேற்கொண்டுள்ளனர்.
மேலும் சந்தேநக நபர் குறித்த துப்பாக்கியை போர் நடைபெற்ற வேளை வட பகுதயில் கடமையில் இருந்து எடுத்து வந்தாரா அல்லது விடுதலைப் புலிகளின் முக்கிய தளபதிகள் பாவித்த துப்பாக்கியா அல்லது இராணுவ களஞ்சிய சாலையில் இருந்து பெறப்பட்டு மறைத்து வைக்கப்பட்டதா அல்லது பல்வேறு குற்றச் செயலுக்காக எடுத்து வரப்பட்டு மறைத்து வைக்கப்பட்டதா? என பல கோணங்களில் மேலதிக விசாரணைகள் நடைபெற்று வருகின்றன.
பொலிஸ் விசேட அதிரடிப்படையின் கட்டளை அதிகாரி சட்டத்தரணி சிரேஷ்ட பிரதி பொலிஸ் மா அதிபர் வருண ஜயசுந்தரவின் பணிப்புரையின் பிரகாரம் அம்பாறை வலய கட்டளை அதிகாரி பொலிஸ் அத்தியட்சகர் ஏ.எஸ்.பி. குணசிறி அவர்களின் வழிகாட்டலில் அம்பாறை முகாமின் பதில் உதவிப் பொலிஸ் அத்தியட்சகர் டபிள்யூ.பி.சம்பத்குமார அம்பாறை விசேட அதிரடிப்படை முகாமின் பதில் முகாம் கட்டளை அதிகாரி பொலிஸ் பரிசோதகர் அமில நிரோஷன் ஜயசிங்க உப பொலிஸ் பரிசோதகர் எச்.எம்.எஸ். ரத்நாயக்க பொலிஸ் சார்ஜன்ட்டுகளான ஹேரத் ( 9482 ) ரத்நாயக்க(69208) ஜயசிங்க (70820) பொலிஸ் உத்தியோகத்தர்களான மானலே (87290) யசரத்ன (87 810) குணரத்ட(25132) உள்ளிட்ட அதிகாரிகள் இச் சோதனை நடவடிக்கையில் ஈடுபட்டிருந்தனர்.
அக்கரைப்பற்று பொலிஸ் பிரிவிற்குட்பட்ட அக்கரைப்பற்று 9 ஆம் பிரிவில் பட்டப்பகலில் வீடொன்றில் நுழைந்த திருடன் நகை மற்றும் பணத்தை திருடிச் சென்றுள்ளதாக வீட்டின் உரிமையாளர் தெரிவித்தார். இச்சம்பவம் நேற்று (18) ஒரு மணியளவில் இடம்பெற்றுள்ளதுடன் அவ்வீட்டின் அலுமாரியில் இருந்த 3 தங்க மோதிரம் 25000 ரூபாவுக்கும் மேற்பட்ட பணம் ஆகியன திருடப்பட்டுள்ளதாக அவர் கூறினார். சம்பவம் தொடர்பில் அக்கரைப்பற்று பொலிசாரிடம் முறைப்பாட்டை பதிவு செய்துள்ள நிலையில் பொலிசார் மோப்ப நாயின் உதவியுடன் திருடணை பிடிப்பதற்கான விசாரணையினை ஆரம்பித்துள்ளனர். சம்பவ தினமான நேற்று (18) வீட்டின் உரிமையாளரின் கணவன் வேலைக்கு சென்ற நிலையில் அவ்வீட்டில் வசித்து வந்த வீட்டு உரிமையாளரின்; தாய் தந்தையும் திருகோணமலைக்கு சென்றுள்ளனர். இந்நிலையில் நண்பகல் 12 மணியளவில் தனியாக இருந்த அப்பெண் அயலில் உள்ள உறவினர் வீட்டிற்கு சென்றுள்ளார். சுமார் ஒரு மணி தாண்டியதன் பிற்பாடு வீட்டு உரிமையாளரின் தங்கை அவசரமாக அவரை அழைத்து அருகில் இருந்த வீட்டில் இருந்து ஒருவன் மதில் மேலால் பாய்ந்து செல்வதாக அறிவித்துள்ளார். உடன் வருகை அந்த அவர் வீட்டை திறந்து பார்க்கையில் வீட்டின் கூரை வழியாக உள்நுழைந்த திருடன் அறையின் பூட்டை உடைத்து உள்ளிருந்த மோதிரம் மற்றும் பணம் உண்டியலில் இருந்த பணம் ஆகியவற்றை திருடிச் சென்றுள்ளதை அவதானித்து பொலிசாருக்கு தகவலை வழங்கியுள்ளார்.
இதேநேரம் குறித்த வீட்டில் திருடிய கள்வன் அருகில் இருந்த இன்னுமொரு வீட்டில் திருட முற்பட்டுள்ளதையும் முடியாமல் போகவே அங்கிருந்து தப்பித்துச் சென்றுள்ளதையும் அருகில் இருந்த சீசிடிவி கமாராவில் பதிவு செய்யப்டடுள்ள காட்சிகள் மூலம்; தெரிய வருகின்றது. அக்கரைப்பற்று பகுதியில் பல வீடுகளில் இதுபோன்ற சம்பவங்கள் தற்போது அதிகரித்து வரும் நிலையில் பொதுமக்கள் அவதானத்துடன் செயற்படவேண்டும் எனவும் பொலிசார் இவ்விடயத்தில் அதிக கவனம் செலுத்தி திருடர்களை கைது செய்ய நடவடிக்கை எடுக்க வேண்டும் எனவும் சுட்டிக்காட்டப்படுகின்றது.
கடந்த 2024.10.17 ந் திகதியன்று அக்கரைப்பற்று பகுதியில் தேர்தல் பிரசார பேரணியில் கலந்து கொண்டவர்களுக்கு எதிராக Divisional Crime Detective Bureau (DCDB) இனால் அக்கரைப்பற்று நீதிவான் நீதிமன்றில் வழக்குத் தாக்கல் செய்யப்பட்டுள்ளது .
இலங்கை தண்டனைச் சட்டக் கோவையின் பிரிவு 140 மற்றும் பாராளுமன்ற தேர்தல் சட்டத்தின் பிரிவு 69,75 ஆகிய பிரிவுகளை மீறிச் செயற்பபட்டதால் முன்னாள் எம்பி அதாவுல்லாஹ் உட்பட குறித்த பேரணியில் கலந்து கொண்டவர்களுக்கு எதிராக நடவடிக்கை எடுக்குமாறு DCDB கோரிக்கை விடுத்துள்ளது
இலங்கையில் உள்ள இஸ்ரேலிய பிரஜைகள் மீது தாக்குதல் நடத்த திட்டமிட்டதாக, சந்தேகத்தின் பேரில் இருவர் பயங்கரவாத தடுப்பு விசாரணை பிரிவினரால் கைது செய்யப்பட்டுள்ளனர்.
முன்னாள் அமைச்சர் ஜோன்ஸ்டன் பெர்னாண்டோவை எதிர்வரும் 30ஆம் திகதி வரை விளக்கமறியலில் வைக்க கோட்டை நீதவான் நீதிமன்றம் இன்று (23) உத்தரவிடப்பட்டுள்ளது.
முந்தைய செய்தி
நட்சத்திர ஹோட்டல் வளாகத்தில் நிறுத்தி வைக்கப்பட்டிருந்த சொகுசு வாகனம் தொடர்பில் ஜோன்ஸ்டன் பெர்னாண்டோ குற்றப் புலனாய்வுப் பிரிவினரால் இன்று கைது செய்யப்பட்டதையடுத்து இந்த உத்தரவு பிறப்பிக்கப்பட்டுள்ளது.
நட்சத்திர ஹோட்டல் வளாகத்தில் நிறுத்தி வைக்கப்பட்டிருந்த சொகுசு வாகனம் தொடர்பில் முன்னாள் அமைச்சர் ஜோன்ஸ்டன் பெர்னாண்டோ கைது
நுவரெலியாவில் அரச வாகனமொன்று மறைத்து வைக்கப்பட்டிருந்த நிலையில் மீட்கப்பட்டுள்ளது.
குறித்த வாகனம் இலங்கை தொழிலாளர் ஐக்கிய முன்னணியின் பொதுச்செயலாளரும் முன்னாள் நுவரெலியா மாவட்ட பாராளுமன்ற உறுப்பினருமான சுப்பையா சதாசிவத்தின் சகோதரர் வீட்டில் நேற்று (12) மாலை கண்டுபிடிக்கப்பட்டுள்ளது.
அரசாங்கத்தினால் பல்வேறு தேவைகளுக்காக வழங்கப்படும் வாகனங்கள் ஏதேனும் ஒரு இடத்தில் மோசடியாகவோ அல்லது சட்டவிரோதமாகவோ மறைத்து வைக்கப்பட்டு பாழடைந்த நிலையில் விடப்பட்டால் அது தொடர்பில் தெரிவிக்க பொதுமக்களிடம் கோரிக்கை விடுக்கப்பட்டுள்ளது.
இதற்கமைய நுவரெலியா பொலிஸாருக்கு கிடைக்கப்பெற்ற இரகசிய தகவலையடுத்து சட்டவிரோதமாக மறைத்து வைக்கப்பட்ட நிலையில், குறித்த வாகனம் மீட்கப்பட்டு நுவரெலியா பொலிஸ் நிலையத்தில் பொலிஸாரின் பாதுகாப்பில் வைக்கப்பட்டுள்ளதாக பொலிஸார் தெரிவித்தனர்.
சம்வம் தொடர்பில் மேலதிக விசாரணைகளை நுவரெலியா பொலிஸார். மேற்கொண்டு வருகின்றனர்.
மன்னார் மேல் நீதிமன்ற நீதிபதியின் புகைப்படத்தை உள்ளடக்கி அவரை அவமதிக்கும் வகையில் சிலர் கொழும்பு மற்றும் புறநகர் பகுதிகளில் ஒட்டியமை தொடர்பில் மேலும் இரு சந்தேகநபர்கள் கைதுசெய்யப்பட்டுள்ளனர்.
நேற்று (02) பிற்பகல் கொழும்பு குற்றத்தடுப்பு பிரிவின் அதிகாரிகள் குழுவினால் களனி மற்றும் தெஹிவளை பகுதிகளில் வைத்து சந்தேக நபர்கள் கைதுசெய்யப்பட்டு அவர்களிடமிருந்து 03 கையடக்கத் தொலைபேசிகளும் பொலிஸாரால் கைப்பற்றப்பட்டுள்ளன.
அம்பகோட்டே மற்றும் தெஹிவளை பிரதேசங்களைச் சேர்ந்த 27 மற்றும் 41 வயதுடைய இருவரே கைதுசெய்யப்படடுள்ளனர்.
இவர்கள் இன்று (03) கொழும்பு பிரதான நீதவான் நீதிமன்றில் முன்னிலைப்படுத்தப்படவுள்ளனர்.
சந்தேகநபர்கள் அதிகமான சுவரொட்டிகளை அச்சிட்டு வைத்திருந்ததாக விசாரணைகளில் தெரியவந்துள்ளது.
இச்சம்பவத்துடன் தொடர்புடைய ஏனைய சந்தேக நபர்களை கைதுசெய்வதற்கான மேலதிக விசாரணைகளை கொழும்பு குற்றத்தடுப்பு பிரிவினர் மேற்கொண்டு வருகின்றனர்.
.jpg)
.jfif)
.jfif)
.jpg)
.jfif)
.png)
