சாம்பியன்ஸ் கோப்பை: இந்திய அணி அறிவிப்பு - பலம், பலவீனம் என்ன?

 

ஐசிசி சாம்பியன்ஸ் கோப்பையில் பங்கேற்று விளையாடவுள்ள 15 வீரர்கள் கொண்ட இந்திய அணியை பிசிசிஐ இன்று அறிவித்துள்ளது.

இது இறுதியான இந்திய அணி அல்ல, மாற்றத்துக்கு உட்பட்டது. பிப்ரவரி 11ஆம் தேதிதான் பிசிசிஐ இறுதிப் பட்டியலை ஐசிசியிடம் வழங்குகிறது.

ஐசிசி சாம்பியன்ஸ் கோப்பைக்கு அறிவிக்கப்பட்டுள்ள அதே அணிதான், இங்கிலாந்துக்கு எதிரான 3 ஒருநாள் போட்டிகள் கொண்ட தொடரிலும் விளையாட உள்ளது. இதில் பும்ராவுக்கு பதிலாக ஹர்சித் ராணா மட்டும் பங்கேற்கிறார், மற்ற வகையில் பெரிதாக மாற்றம் இல்லை.

சாம்பியன்ஸ் கோப்பை கிரிக்கெட் தொடர், பாகிஸ்தானில் பிப்ரவரி 19ஆம் தேதி தொடங்குகிறது. இந்திய அணி மோதும் போட்டிகள் அனைத்தும் துபையில் நடத்தப்படுகின்றன. அந்த வகையில் இந்திய அணி 20ஆம் தேதி வங்கதேச அணியைச் சந்திக்கிறது.