மூடப்பட்ட நீர்வடிந்தோடும் மதகினை மீளவும் பயன்படுத்தும் நடவடிக்கை

 

வி.சுகிர்தகுமார்     

 ஆலையடிவேம்பு பிரதேச செயலகத்திற்குட்பட்ட பிரிவுகளில் மழை காலத்தில் ஏற்படும் வெள்ளப்பெருக்கினை குறைப்பதற்கான நடவடிக்கையினை ஆலையடிவேம்பு பிரதேச செயலகம் மற்றும் பிரதேச சபை இணைந்து முன்னெடுத்து வருகின்றது.
இதற்கமைவாக ஆலையடிவேம்பு பிரதேச செயலகத்திற்கு முன்பாக இருக்கும் கடந்த காலத்தில் மூடப்பட்ட நீர்வடிந்தோடும் மதகினை மீளவும் பயன்படுத்தும் நடவடிக்கையினை ஆலையடிவேம்பு பிரதேச செயலாளர் ஆர்.திரவியராஜ் முன்னெடுத்தார்.
இதன் பிரகாரம்  வீதி அபிவிருத்தி அதிகார சபை மற்றும் ஆலையடிவேம்பு பிரதேச சபை  உயர் அதிகாரிகளுடன் பேசி அவர்களது ஒத்துழைப்போடு பிரதான வீதியின் குறுக்காக போடப்பட்டிருந்த மதகினை மீளவும் பயன்படுத்துவதற்கான நடவடிக்கை இன்று மேற்கொள்ளப்பட்டது.
இதன் பிரகாரம் இன்று வருகைதந்த வீதி அபிவிருத்தி அதிகாரசபையின் அதிகாரிகள் பிரதான வீதியின் குறுக்காக மூடப்பட்டிருந்த மதகினை பயன்படுத்துவது தொடர்பில் சாத்தியவள அறிக்கையினை மேற்கொண்டு உரிய நடவடிக்கையினை மேற்கொள்ள தீர்மானித்துள்ளனர்.
குறித்த மதகினை சீரமைக்கப்படும் பட்சத்தில் பிரதேச செயலகத்தை அண்டியப பல்வேறு பிரதேசங்களில் தேங்கி நிற்கும் நீர் வெளியேற்ற வாய்ப்பு உருவாவதுடன் மழை காலத்தில் வெள்ள அனர்த்தம் ஏற்படும் நிலை குறைவடையும் என எதிர்பார்க்கப்படுகின்றது.