அடைமழை வெள்ள பெருக்கு-பரீட்சைகள் பிற்போடப்பட்டன.ஆயிரக்கணக்கான வயல் நிலங்கள் வெள்ளத்தில்

வி.சுகிர்தகுமார்    

அம்பாரை மாவட்டத்தில் பெய்துவரும் அடைமழை  வெள்ள பெருக்கு காரணமாக ஆலையடிவேம்பு கல்வி கோட்டத்தில் இன்று (22) நடைபெறவிருந்த மூன்றாந்தவணை பரீட்சைகள் பிற்போடப்பட்டன.
வெள்ள அனர்த்த நிலையினை கருத்திற்கொண்டு பாடசாலைக்கு சென்ற  வி.சுகிர்தகுமார்   

 மாணவர்களை பெற்றோர்கள் சுயவிருப்பின் பேரில் அழைத்துச் சென்ற நிலையில் இன்று நிறுத்தப்பட்ட பரீட்சைகள் நடைபெறும் திகதி தொடர்பில் பின்னர் அறிவிக்கப்படும் என பிரதிக்கல்விப்பணிப்பாளர் கி.கமலமோகனதாசன் தெரிவித்தார்.
இதேநேரம் வெள்ள அனர்த்த நிலை ஏற்பட்டுள்ள நிலையில் அம்பாரை மாவட்டத்தில் பல்வேறு பகுதிகளும் வெள்ளத்தில் மூழ்கியுள்ளதுடன் ஆலையடிவேம்பு பிரதேச செயலாளர் பிரிவிலும் பல குடியிருப்புக்கள் வீதிகள் பாடசாலைகள் அரச தனியார் அலுவலகங்கள் வெள்ளம் புகுந்து மிகவும் மோசமாக பாதிக்கப்பட்டுள்ளது.
இது தொடர்பில் துரித நடவடிக்கைகளை எடுக்குமாறும் பிரதேச செயலாளர் ஆர்.திரவியராஜ் பிரதேச செயலக கிராம உத்தியோகத்தர் உள்ளிட்ட அதிகாரிகளை பணித்துள்ளதுடன் வெள்ள அனர்த்த நிலை தொடர்பில் நேரில் பார்வையிட்டார்.
வெள்ள அனர்த்த நிலை காரணமாக ஆயிரக்கணக்கான வயல் நிலங்கள் வெள்ளத்தில் மூழ்கியுள்ளதுடன் அதிகளவான வயல் நிலங்கள் கைவிடப்படும் நிலைக்கு தள்ளப்பட்டுள்ளது.
இதேநேரம் சேனநாயக்க சமுத்திரத்திம் 2.5 அடி மேலதிக நீர் 5 வான்கதவுகளின் ஊடாக வெளியேற்றப்பட்டுள்ள நிலையில்
தாழ்நிலப்பகுதிகளில் வாழும் மக்கள் மிகவும் அவதானத்துடன் இருக்குமாறும் வெள்ள அனர்த்த நிலைக்கு முகம்கொடுக்கும் வகையில் முன்னாயத்த நடவடிக்கைகளை பிரதேச செயலாளர்கள் எடுக்குமாறும் மாவட்ட அரசாங்க அதிபர் சிந்தக அபேவிக்கிரம அறிவித்துள்ளார்.