நூருல் ஹுதா உமர்
லக்ஸ்டோ மீடியா ஊடக, கலை, கலாசார, சமூக மேம்பாட்டுக்கான அமைப்பின் 28 வது வருட கொண்டாட்டம் எதிர்வரும் 2025 ஜனவரி 25ஆம் திகதி காரைதீவு விபுலானந்தர் ஞாபகார்த்த கலாசார மண்டபத்தில் இரண்டு அமர்வுகளாக லக்ஸ்டோ மீடியாவின் பிரதானி அறிவிப்பாளர் ஏ.எல். அன்சார் தலைமையில் இடம்பெற உள்ளது.
இந்நிகழ்வுகளின் முதல் அமர்வு பிறை எப்.எம் வானொலியின் பிரதிப் பணிப்பாளர் பஷீர் அப்துல் கையூம் அவர்களின் தலைமையில் காலை 10 மணி தொடக்கம் மதியம் 01.00 மணி வரை இடம்பெறவுள்ளது. இதில் முதன்மை விருந்தினர்களாக அம்பாறை மாவட்ட கலாசார உத்தியோகத்தர் ஏ.எல்.தௌபீக், ஓய்வு பெற்ற பிறை எப்.எம் வர்த்தக முகாமையாளர் கவிஞர் எஸ்.றபீக் மற்றும் கலாபூஷணம் எம். அருணம்பலம் ஆகியோரும் கலந்து கொள்ளும் ஆரம்ப நிகழ்வில் பல்சுவை கவியரங்கும் இடம்பெறும்.
விசுவாமித்திரன் தமிழ் மருதா மாமணியின் தலைமையில் இடம்பெறும் கவியரங்கில் கவிஞர்களான எஸ். றபீக், செங்கதிரேசன், டாக்டர் சனூஸ் காரியப்பர், மருதூர் அன்சார், மாஜிதா தவ்பீக், நஸ்லா, ஜென்னத்துல் பாத்திமா, மேரியன் அந்தோணி, ராஜரட்ணம், ஜெயா மற்றும் வசந்த காலம் ஆகியோர் கவி பாடவுள்ளனர்.
02.30 மணிக்கு ஆரம்பமாகும் இரண்டாம் அமர்வில் மரநடுகை, பாடசாலை மாணவர்களுக்கான பாடசாலை புத்தகப்பை வழங்குதல் என்பனவற்றுடன் திறமைக்கான தேடல் மகுடத்தின் கீழ் பல்துறை சார்ந்தவர்களுக்கு திறமைக்கு மரியாதை கௌரவ விருதுகள் வழங்கப்படவுள்ளன.
இந்நிகழ்விற்கு பிரதம அதிதியாக பாராளுமன்ற உறுப்பினர் எம். எஸ். உதுமாலெப்பை கலந்து கொள்ள உள்ளதுடன் அம்பாறை மாவட்ட மேலதிக அரசாங்க அதிபர் எஸ். ஜெகராஜன் கௌரவ அதிதியாகவும், விசேட விருந்தினர்களாக தினகரன் பிரதம ஆசிரியர் செந்தில் வேலவர், பார்ட்னர்ஸ் போ சேன்ஜ் இன்டெர்னஷனல் நிறுவன சிரேஷ்ட நிகழ்ச்சித்திட்ட பணிப்பாளர் றிசாத் ஷெரீப் மற்றும் கலை இலக்கியவாதிகள், சமூக செயற்பாட்டாளர்கள், ஊடகவியலாளர்கள் என பலரும் கலந்து கொள்ள உள்ளனர்.
Post a Comment
Post a Comment