உறவுகளுக்கு உதவுவோம்

 .

(சுகிர்தகுமார்)   

 அம்பாரை மாவட்டத்திலும் வெள்ளத்தினால் பாதிக்கப்பட்ட மக்களுக்கான  மனிதாபிமான நிவாரணப்பணிகள் தொடர்ந்தும் இடம்பெற்று வருகின்றன.  இதற்கமைவாக ஆலையடிவேம்பு பிரதேச வெளிநாட்டு வாழ் உறவுகளுக்கு உதவுவோம் எனும் அரசியல் சார்பற்ற அமைப்பொன்று 4000 ஆயிரம் பெறுமதியான 105 குடும்பங்களுக்கு உலர் உணவுப்பொதிகளை வழங்கி வைத்தது.
உறவுகளுக்கு உதவுவோம் அமைப்பின் ஆலையடிவேம்பு பிரதேச செயற்பாட்டாளர்களது ஒருங்கிணைப்பில் இடம்பெற்ற உலர் உணவுப்பொதி வழங்கும் நிகழ்வில் ஆலையடிவேம்பு பிரதேச செயலாளர் ஆர்.திரவியராஜ் கலந்து கொண்டு பொதிகளை வழங்கி வைத்தார்.
இதன்போது பெருநாவலர் வித்தியாலய அதிபர் மணிவண்ணன் பிரதேச செயலக கிராம நிருவாக உத்தியோகத்தர் பரிமளவாணி சில்வெஸ்டர் அனர்த்த முகாமைத்துவ உத்தியோகத்தர் வசந்தன் உள்ளிட்டவர்களும் கலந்து கொண்டதுடன் பொதியிடல் மற்றும் நிவாரணம் வழங்கும் பணியில் அக்கரைப்பற்று மருது விளையாட்டுக்கழகம் மற்றும் ஆலையடிவேம்பு உதயம் விளையாட்டுக்கழக உறுப்பினர்களும் இணைந்து கொண்டமை குறிப்பிடத்தக்கது.