நீதிமன்ற பிடிவிறாந்து பிறப்பிக்கப்பட்ட 8 பேர் கைது

 (கனகராசா சரவணன்)

மட்டக்களப்பு ஏறாவூர் பொலிசார் விசேட சுற்றிவளைப்பு நடவடிக்கை ஒன்றில்  நீதிமன்ற பிடிவிறாந்து பிறப்பிக்கப்பட்ட 8 பேரை நேற்று புதன்கிழமை (04) இரவு கைது செய்துள்ளதாக பொலிசார் தெரிவித்தனர்.

மாவட்டத்தில் பல குற்ற செயல்கள் தொடர்பாக கைது செய்யப்பட் ஏறாவூர் பொலிஸ் நிலைய பிரதேசத்தைச் சேர்ந்த பலர் கைது செய்யப்பட்டு அந்தந்த நீதிமன்ற நியாயதிக்க எல்லையிலுள்ள  நீதிமன்றங்களில் ஆஜர்படுத்தப்பட்டு நீதிமன்ற பிணையில் வெளிவந்த பின்னர் நீதிமன்றங்களுக்கு ஆஜராகாமல் வந்துள்ளவர்களுக்கு நீதிமன்ற பிடியாணை பிறப்பித்துள்ளது

இந்த பிடிவிறாந்து பிறப்பிக்கப்பட்டு தலைமறைவாகி வந்தவர்களை தேடி கண்டு பிடிக்கும் விசேட சுற்றிவளைப்பினை சம்பவதினமான நேற்று மேற்கொண்ட சுற்றிவனைப்பு தேடுதலில் தலைமறைவாகி இருந்த நீதிமன்ற பிடிவிறாந்து பிறப்பிக்கப்பட்ட 8 பேரை கைது செய்தனர்

இதில் கைது செய்யப்பட்டவர்களை நீதிமன்றில் ஆஜர்படுத்த நடவடிக்கை எடுத்துவருவதாக பொலிசார் தெரிவித்தனர்.