வாசிப்பு வார நிகழ்வும் ஊடகவியலாளர் உள்ளிட்டவர்களின் கௌரவிப்பு நிகழ்வும்

 

ஆலையடிவேம்பு நிருபர்   வி.சுகிர்தகுமார்    

 திருக்கோவில் சமூக தரிசன ஒன்றியம் மற்றும் சக்தி சனசமூக நிலையம் ஆகிய அமைப்புக்களின் 10 வருட நிறைவை முன்னிட்டதான வாசிப்பு வார நிகழ்வும் ஊடகவியலாளர் உள்ளிட்டவர்களின் கௌரவிப்பு நிகழ்வும் திருக்கோவில் காயத்திரி கிராமத்தில் நேற்று (27) இடம்பெற்றது.
உலகை வென்றவர்கள் வாசித்த மக்களே எனும் தொனிப்பொருளுக்கமைய சக்தி சனசமூக நிலைய தலைவர் பி.நந்தபாலு தலைமையில் அன்னை சிறுவர் நூலக மண்டபத்தில் இடம்பெற்ற நிகழ்வில் ஆன்மீக அதிதியாக சிவஸ்ரீ ஆறுமுக கிருபாகர குருக்கள் கலந்து கொண்டதுடன் பிரதம அதிதியாக திருக்கோவில் பிரதேச சபை செயலாளர் வீ.ஜெயந்தி சிறப்பு அதிதிகளாக திருநாவுகரசர் நாயனார் குருகுலத்தின் பணிப்பாளர் இராசரெட்ணம் தம்பிலுவில் தேசிய பாடசாலையின் ஓய்வு நிலை அதிபரும் திருக்கோவில் ஸ்ரீ சித்திரவேலாயுத சுவாமி ஆலய வண்ணகருமான திரு.வ.ஜயந்தன் ஊடகவியலாளர்களான எஸ்.கார்த்திகேசு மற்றும் வி.சுகிர்தகுமார் உள்ளிட்ட பலர் கலந்து கொண்டனர்.
இதன்போது ஊடகத்துறை மூலம் வாசிப்பினை ஊக்கப்படுத்தும் வகையில் ஊடகவியலாளர்களான எஸ்.கார்த்திகேசு மற்றும் வி.சுகிர்தகுமார் ஆகியோர் பொன்னாடை போர்த்தி நினைவுச்சின்னம்  வழங்கி கௌரவிக்கப்பட்டதுடன்  திருக்கோவில் பிரதேசத்தில் உள்ள 8 நூலகங்களின் நூலக உதவியாளர்களும் கௌரவிக்கப்பட்டனர்.
நிகழ்வில் மாணவர்களின் கலை நிகழ்வுகள் இடம்பெற்றதுடன் வாசிப்பின் முக்கியத்துவம் தொடர்பான உரைகளும் இடம்பெற்றது.