விழிப்புணர்வூட்டல் கருத்தரங்கு

 (நூருல் ஹுதா உமர்)

கல்முனை பிராந்திய சுகாதார சேவைகள் பணிப்பாளர் வைத்திய கலாநிதி ஐ.எல்.எம். றிபாஸ் அவர்களின் வழிகாட்டலிலும், கல்முனை பிராந்திய பாலியல் தொற்று நோய்கள் பிரிவின் பொறுப்பு வைத்திய அதிகாரி வைத்தியர் எம்.என்.எம். தில்ஷான் அவர்களின் ஒருங்கிணைப்பிலும், உலக எயிட்ஸ் தினத்தை முன்னிட்டு நிந்தவூர் ஆதார வைத்தியசாலையானது, நிந்தவூர் சுகாதார வைத்திய அதிகாரி காரியாலயம் மற்றும் நிந்தவூர் ஆயுள்வேத வைத்தியசாலை என்பவற்றின் பங்களிப்புடன் ஏற்பாடு செய்திருந்த, பாடசாலை மாணவர்கள் மற்றும் இளைஞர்களுக்கான விஷேட விழிப்புணர்வூட்டல் கருத்தரங்கு, வைத்தியசாலையின் கேட்போர் கூடத்தில், வைத்திய அத்தியட்சகர் வைத்தியர் எம்.பி. அப்துல் வாஜித் அவர்களின் தலைமையில் (01.12. 2023 ) இடம்பெற்றது.

இதன்போது நிந்தவூரைச் சேர்ந்த அல்- அஸ்ரக் தேசிய பாடசாலை, மதினா வித்தியாலயம், அரபா வித்தியாலயம், மினா வித்தியாலயம், இமாம் கஸ்ஸாலி வித்தியாலயம் மற்றும் அட்டப்பளம் விநாயகர் வித்யாலயம் ஆகிய பாடசாலைகளைப் பிரதிநிதித்துவப்படுத்தி மாணவர்கள் பங்குபற்றியதோடு, நிந்தவூர் தொழிற்பயிற்சி நிலையத்தைப் பிரதிநிதித்துவப்படுத்தி இளைஞர்களும் கலந்து கொண்டனர்.

நிந்தவூர் பொலிஸ் நிலைய பிரதிநிதிகளும், பிரதேச செயலக பிரதிநிதகளும் கலந்து கொண்டமை குறிப்பிடத்தக்கது.