சேவை நலன் பாராட்டு

 ( காரைதீவு  சகா)

சம்மாந்துறை வலயத்துக்குட்பட்ட நாவிதன்வெளி அன்னமலை மகா வித்தியாலயத்தில் சிறப்பாக பணியாற்றி இடமாற்றம் பெற்றுச் சென்ற ஆசிரியர்களான ரி.காண்டீபன் மற்றும் எஸ்.ரதிதேவன் ஆகியோருக்கான சேவை நலன் பாராட்டு விழா  பாடசாலை அதிபர் திருமதி நிலந்தினி ரவிச்சந்திரன் தலைமையில் நேற்று 

(19) செவ்வாய்க்கிழமை வெகுசிறப்பாக நடைபெற்றது.

பிரதம அதிதியாக சம்மாந்துறை வலயக்கல்வி பணிமனையின்  பாடசாலை  வலுவூட்டல் மேம்பாட்டு நிகழ்ச்சிச் திட்ட இணைப்பாளரும் உதவிக் கல்விப் பணிப்பாளருமான வி.ரி.சகாதேவராஜா கலந்து சிறப்பித்தார்.

இடமாற்றலாகிச்சென்ற விஞ்ஞான பட்டதாரி ஆசிரியர் ரி.காண்டீபன் பற்றி அதிபர் ஆசிரியர்கள் வாழ்த்துரையாற்றினர்.

இடமாற்றம் பெற்றுச் சென்ற விஞ்ஞான பட்டதாரி ஆசிரியர் ரி.காண்டீபன் ஏற்புரை நிகழ்த்தினார்.

வாழ்த்துப்பா பாடி வாழ்த்து மடல் மற்றும் பரிசுகள் வழங்கி வைக்கப்பட்டன.

 உதவிக்கல்விப் பணிப்பாளர் வி.ரி.சகாதேவராஜா    சிறப்புரையாற்றினர்.

சிரேஸ்ட ஆசிரியர் ந.கோடீஸ்வரன் நன்றியுரையாற்றினார்.