மின்னல் தாக்கத்தினால் பலரது தொலைக்காட்சி உள்ளிட்ட மின் உபகரணங்களும் சேதம்

 வி.சுகிர்தகுமார் 0777113659 

 அம்பாரை மாவட்டத்தில் பலத்த மழை பெய்துவரும் நிலையில் அக்கரைப்பற்றில் நேற்றிரவு ஏற்பட்ட மின்னல் தாக்கத்தினால் பலரது தொலைக்காட்சி உள்ளிட்ட மின் உபகரணங்களும் சேதமடைந்துள்ளன.
அக்கரைப்பற்று ஆலையடிவேம்பு பிரதேச செயலாளர் பிரிவிலும் பலத்த மழை தொடர்ச்சியாக பெய்துவருவதுடன் மக்களது போக்குவரத்தும் பாதிக்கப்பட்டுள்ளது.
இதேநேரம் சில பிரதேசங்களில் மின் உபகரணங்களும் நேற்றிரவு ஏற்பட்ட மின்னல் தாக்கத்தினால் பலத்த சேதத்திற்குள்ளாக்கப்பட்டுள்ளது.
வாச்சிக்குடா கிராம உத்தியோகத்தர் பிரிவில் சிறிய குடிசை ஒன்றின் மீது மரக்கிளை ஒன்றும் முறிந்து வீழ்ந்துள்ளது.
இந்நிலையில் தாழ் நிலப்பகுதிகள் யாவும் வெள்ளத்தில் மூழ்கியுள்ளதுடன் வீதிகளும் வெள்ள நீரால் நிரம்பி வழிந்தோடுவதை அவதானிக்க முடிகின்றது