மேற்கு வங்க உள்ளூராட்சி மன்ற தேர்தலில் பதற்றம் - 14 பேர் உயிரிழப்பு

 

மேற்கு வங்க மாநிலத்தில் நேற்று (08) நடைபெற்ற உள்ளூராட்சி மன்ற தேர்தலில் பயங்கர வன்முறை ஏற்பட்டது. வாக்குச்சாவடிகள் அடித்து நொறுக்கப்பட்டன. இதில் வெவ்வேறு கட்சிகளைச் சேர்ந்த 14 பேர் உயிரிழந்துள்ளனர்.

மேற்கு வங்கத்தில் 3 அடுக்கு உள்ளூராட்சி மன்ற தேர்தல் நேற்று நடைபெற்றது. ஊரகப் பகுதிகளில் 73,887 இடங்களில் வாக்குப்பதிவு நடந்தது. 

22 மாவட்டங்களில் 928 உறுப்பினர்கள், 9,730 பஞ்சாயத்து சமிதிகள், 63,229 கிராம ஊராட்சி உறுப்பினர்களை தேர்வு செய்வதற்கான இந்த தேர்தலில், 2.06 லட்சம் பேர் போட்டியிட்டனர். 5.67 கோடி பேர் வாக்களிக்கத் தகுதி பெற்றிருந்தனர்.