பெற்றோலின் விலை 318 ரூபாவாக குறைவடைந்து இன்று விநியோகம்

 

வி.சுகிர்தகுமார் 0777113659

 பெற்றோலின் விலை 318 ரூபாவாக குறைவடைந்து இன்று விநியோகம் நடைபெற்றபோதிலும் ஆலையடிவேம்பு பலநோக்கு கூட்டுறவுச்சங்க எரிபொருள் நிரப்பு நிலையத்தில் வாகனங்களின் எண்ணிக்கை அதிகமாக காணப்பட்டது.

அம்பாரை மாவட்டம் அக்கரைப்பற்றில் நேற்று எரிபொருளை பெற்றுகொள்வதற்காக வரிசையில் வாகனங்கள் காத்திருந்து பெற்றுக்கொண்ட அதேநேரம் இன்றும் அதேநிலை காணப்பட்டது.

எரிபொருளின் விலை நேற்று நள்ளிரவுடன் குறைவடையலாம் என தெரிவித்திருந்த நிலையில் அக்கரைப்பற்று பிரதேசத்தில் பல எரிபொருள் நிரப்பு நிலையங்களில் பெற்றோல் இல்லாத நிலை காணப்பட்டது.

ஆயினும் ஆலையடிவேம்பு பலநோக்கு கூட்டுறவுச்சங்கத்தில் பெற்றோல் இருப்பு இருந்ததுடன் தூர பிரதேச வாகனங்களும் அங்கு வருகை தந்தமையால் நீண்ட வரிசையில் வாகனங்கள் காத்திருந்து எரிபொருளை பெற்றுக்கொண்டதை அவதானிக்க முடிந்தது.

இன்று காலை குறித்த எரிபொருள் விற்பனை நிலையத்திற்கு பெற்றோல் குறைந்த விலையில் மீண்டும் கிடைக்கப்பெற்றதாலும் ஏனைய எரிபொருள் விற்பனை நிலையங்களுக்கு பெற்றோல் கிடைக்கப்பெறாமையினாலும் நீண்ட வரிசையில் வாகனங்கள் காணப்பட்டது.

பெற்றோல் கொள்வனவிற்கான பணம் ஏற்கனவே செலுத்துப்பட்டுள்ளதால் இன்று எரிபொருள் கிடைக்கும் எனவும் வழமைபோன்று எரிபொருளை பெற்றுக்கொள்ள முடியும் எனவும் ஆலையடிவேம்பு பலநோக்கு கூட்டுறவுச்சங்கத்தின் எரிபொருள் நிலைய உத்தியோகத்தரால் நேற்று தெரிவிக்கப்பட்டமை குறிப்பிடத்தக்கது.