அம்னா ருஹி, முதலாமிடம்

 

மஹ்மூத் மகளிர் கல்லூரி மாணவி அம்னா ருஹி பொதுநலவாய ஆங்கில மொழி கட்டுரை போட்டியில் முதலாமிடம்.!

பொதுநலவாய (Commonwealth) அமைப்பினால் ஏற்பாடு செய்யப்பட்ட "50வது ஆண்டு விழா மற்றும் பொது நலவாய தினம் 2023" நினைவாக பாடசாலை மாணவ, மாணவிகளுக்கு இடையே அண்மையில் நடத்தப்பட்ட ஆங்கில மொழி மூலமான கட்டுரை போட்டியில் மஹ்மூத் மகளிர் கல்லூரி (தேசிய பாடசாலை)யில் தரம் 10K இரு மொழி பிரிவில் கல்வி பயிலும் மாணவி ஆர்.எம்.  அம்னா ருஹி தேசிய மட்ட பொதுநலவாய கட்டுரை போட்டி கனிஷ்ட பிரிவில் முதலாமிடத்தினை பெற்று பாடசாலைக்கு பெருமை சேர்த்துள்ளார்.

தேசிய மட்ட பொதுநலவாய கட்டுரை போட்டியில் வெற்றி பெற்ற மாணவிக்கு விருது வழங்கும் வைபவம் எதிர்வரும் செவ்வாய்க்கிழமை 16, மே 2023 இசுருபாய, பத்தரமுல்ல அமைந்துள்ள இலங்கை கல்வி அமைச்சினால் ஏற்பாடு செய்யப்பட்டுள்ளது  குறிப்பிடத்தக்கதாகும்.

இலங்கை கல்வி அமைச்சினால் பாடசாலைக்கு அனுப்பி வைக்கப்பட்டுள்ள 

மாணவி ஆர்.எம்.  அம்னா ருஹிக்கு விருது வழங்கும் வைபவத்துக்கான அழைப்பிதழ் கடிதத்தினை உத்தியோகபூர்வமாக கையாளிக்கும் நிகழ்வு மே 08.2023ம் திகதி திங்கட்கிழமை பாடசாலையில் நடைபெற்ற காலை ஆராதனை  ௯ட்டத்தில் கல்லூரியின் அதிபர் யூ.எல்.எம். அமீன் அவர்களினால் குறித்த மாணவிக்கு வழங்கி வைக்கப்பட்டது.

தேசிய மட்ட பொதுநலவாய கட்டுரை போட்டி 2023 கனிஷ்ட பிரிவில் முதலாமிடத்தினை பெற்ற மாணவி ஆர்.எம்.  அம்னா ருஹிக்கும் இதனை திறம்பட வழிப்படுத்திய ஆங்கில பாட இணைப்பாளர் மற்றும் ஆசிரியர்களுக்கும் 

கல்லூரி சார்பாக அதிபர் யூ.எல்.எம். அமீன் மற்றும் பிரதி அதிபர்களான ஹாஜியானி. சமதா மசூது லெவ்வை, ஏ.எச். நதீரா, உதவி அதிபர்களான  எம்.எஸ். மனுனா, என்.டி. நதீகா ஆகியோர் மனமார்ந்த நன்றிகளைத் தெரிவித்துக் கொள்கின்றனர்.

ஊடக பிரிவு 

மஹ்மூத் மகளிர் கல்லூரி,

(தேசிய பாடசாலை), 

கல்முனை.