பாகிஸ்தான் அணி வெற்றி

பாகிஸ்தான் மற்றும் நியூசிலாந்து அணிகளுக்கு இடையில் ராவல்பிண்டி மைாதானத்தில் இடம்பெற்ற முதலாவது ஒருநாள் போட்டியில் பாகிஸ்தான் அணி 5 விக்கட்டுக்களால் வெற்றி பெற்றுள்ளது.

போட்டியில் முதலில் துடுப்பெடுத்தாடிய நியூசிலாந்து அணி 50 ஓவர்கள் நிறைவில் 7 விக்கட்டுக்களை இழந்து 288 ஓட்டங்களைப் பெற்றுக்கொண்டது.

அவ்வணி சார்பாக மிச்சல் 113 ஓட்டங்களையும் வில் யங் 86 ஓட்டங்களையும் பெற்றுக்கொடுத்தனர்.

பாகிஸ்தான் அணியின் பந்துவீச்சில் சஹீன் அப்ரிடி, நசீம் ஷா, ரவூப் ஆகியோர் தலா 2 விக்கட்டுக்கள் வீதம் கைப்பற்றினர்.

இதனையடுத்து 289 என்ற வெற்றி இலக்குடன் துடுப்பெடுத்தாடிய பாகிஸ்தான் அணி, 48.3 ஓவர்கள் நிறைவில் 5 விக்கட்டுக்களை மாத்திரம் இழந்து வெற்றி இலக்கை அடைந்தது.

பாகிஸ்தான் அணி சார்பில் பகர் சமான் 117 ஓட்டங்களையும், இமாம் ஹுல் ஹக் 60 ஓட்டங்களையும் பெற்றுக்கொடுத்தனர்.

அதற்கமைய, 5 போட்டிகளைக் கொண்ட ஒருநாள் தொடரில் பாகிஸ்தான் அணி 1-0 என்ற கணக்கில் முன்னிலைப் பெற்றுள்ளது.