"பாதங்கள் சுவர்க்கத்தின் பக்கம்"

 

"பாதங்கள் சுவர்க்கத்தின் பக்கம்"  நினைவுச் சின்னம் வழங்கும் கௌரவிப்பு நிகழ்வு-2023

===============================

"தென்கிழக்கு அலகின் ஜனாஸா வாகன சேவையின் முதன்மை 2012" பாலமுனை ஜனாஸா வாகனத்தை இம்மண்ணில் பெற்றுக்கொள்ள வேண்டும் என தன் பாதங்களால் வரப்பேறி, கதவு தட்டி, உதவி பெற்று ஓடச் செய்த செயற்பாட்டாளர்களுக்கு "பாதங்கள் சுவர்க்கத்தின் பக்கம்" நினைவுச் சின்னம் வழங்கி கௌரவிக்கும் நிகழ்வு இன்று 2023.02.26 காலையில் அட்டாளைச்சேனை லொயிட்ஸ் மண்டபத்தில் சிறப்பாக இடம்பெற்றது, அல்ஹம்துலில்லாஹ்.

பாலமுனை மரண உபகார நிதியத்தின் இஸ்தாபக அமைப்பாளர் அல்ஹாஜ் ஐ.பீ.எம்.ஜிப்ரி அவர்களின் அழைப்பின் பேரில், நிதியத்தின் தலைவர் டாக்டர் எஸ்.எம்.றிபாஸ்தீன் அவர்கள் தலைமையில் இடம்பெற்ற இந்நிகழ்வில் பிரதம அதிதியாக அட்டாளைச்சேனை பிரதேச செயலாளர் எம்.ஏ.சி.அஹமட் சாபிர் அவர்களும் கௌரவ அதிதிகளாக அகில இலங்கை ஜம்மியத்துல் உலமா சபையின் உதவி தலைவர் அஷ்ஷெய்க் ஐ.எல்.எம்.ஹாஷிம் சூரி மற்றும் கவிஞர் பாலமுனை பாறூக் அவர்களும், பாலமுனை முப்பெரு ஜும்மா பள்ளிவாசல் தலைவர்கள், நிதிய ஆலோசகர்கள், உயர் சபை உறுப்பினர்கள், வெளிக்கள இணைப்பாளர்கள், புத்தி ஜீவிகள், அரசியல் பிரமுகர்கள் என பலரும் கலந்து சிறப்பித்தனர்.

மேலும் ஜனாஸா வாகன பங்காளிகளுடன் நிதிய வளர்ச்சியில் பங்களிப்பு செய்த ஏனைய பலரும் கௌரவிக்கப்பட்டனர்.

மரண உபகார நிதியம்

பாலமுனை