ஆலையடிவேம்பு பிரதேச செயலகத்திலும்,பொங்கல் விழா

 

சுகிர்தகுமார்  

  அம்பாரை மாவட்ட அரச அலுவலகங்களிலும் தைப்பொங்கல் நிகழ்வுகளும் விவசாயிகளை கௌரவிக்கும நிகழ்வும்; தொடர்ந்தும் இடம்பெற்று வருகின்றது.
 
இதற்கமைவாக ஆலையடிவேம்பு பிரதேச செயலகத்திலும் பிரதேச செயலாளர் வி.பபாகரன் தலைமையில் இன்று பொங்கல் விழா சிறப்பாக இடம்பெற்றது.

இதனை முன்னிட்டு பிரதேச செயலகம் அலங்கரிக்கப்பட்டு விழாக்கோலம் பூண்டிருந்தது.

இயற்கைக்கு நன்றி தெரிவிக்கும் பொங்கல் விழாவில் விவசாயத்திற்கு உதவி செய்யும் பசுக்களுக்கும் விசேட பூஜைகள் நடைபெற்றதுடன் விவசாயிகளும் கௌரவிக்கப்பட்டனர்.

தைபிறந்தால் வழிபிறக்கும் எனும் பெரும் நம்பிக்கையோடு பிரதேச செயலக உத்தியோகத்தர்களும்; சூரிய பகவானுக்கு நன்றி செலுத்தும் வகையில் பொங்கலிட்டு பூஜை வழிபாடுகளில் ஈடுபட்டதை அவதானிக்க முடிந்தது.

நிகழ்வுகளில் உதவிப்பிரதேச செயலாளர் ஆர்.சுபாகர் உள்ளிட்ட உயர் அதிகாரிகள் பிரதேச செயலக உத்தியோகத்தர்கள் என பலரும் கலந்து கொண்டனர்.
 
பூஜை வழிபாடுகளை சிவஸ்ரீ ஜெகதீஸ்வர சர்மா நடாத்தி வைத்தார்.