தம்பிலுவில் பாடசாலையில் இரு மாணவர்களுக்கிடையிலான கைகலப்பில் மாணவன் மரணம்

Rep/SukirthaKumar.

திருக்கோவில் கல்வி வலயத்தில் தேசிய பாடசாலையில் இடம்பெற்ற இரு மாணவர்களுக்கிடைலான கைகலப்பில் ஒரு மாணவன் மரணம்

அம்பாரை திருக்கோவில் வலயக் கல்வி அலுவலகத்திற்குட்பட்ட தேசிய பாடசாலை ஒன்றில் இரு மாணவர்களுக்கிடையில் இடம்பெற்ற கைகலப்பில் 13வயது மாணவன் சிவபாலன் துசாந் மரணமடைந்துள்ளதுடன் மற்றைய மாணவன் காயமடைந்துள்ளதாக பொலிசாரின் ஆரம்ப கட்ட விசாரணைகள் மூலம் தெரியவருகின்றன.

இவ் சம்பவம் தொடர்பாக மேலும் தெரியவருவது யாதெனில் குறித்த தரம் எட்டு வகுப்பினைச் சேர்ந்த இரு மாணவர்களுக்கிடையில் வாக்கு வாதம் இடம்பெற்றுக் கொண்டு இருந்த நிலையில் அது முற்றி கைகலப்பு ஏற்பட்டுள்ளது.

இந்நிலையில் மரணமடைந்த மாணவனுக்கு மற்றைய மாணவன் போத்தலினால் தலையில் தாக்கியுள்ளதாகவும் பின்னர் குறிந்த மாணவன் மயக்கமுற்ற நிலையில் திருக்கோவில் ஆதார வைத்தியசாலைக்கு எடுத்து செல்லப்படட நிலையில் குறித்த மாணவன் மரணமடைந்துள்ளதாக பொலிசாரின் ஆரம்ப கட்ட விசாரணைகள் ஊடாக தெரிவியவருகின்றது.

இவ்வாறு மரணமடைந்த மாணவன் தம்பிலுவில் பகுதியைச் சேர்ந்த தரம் எட்டில் கல்வி கற்கும் 13வயது மாணவன் சிவபாலன் துசான் என்பதடன் இவ் சம்பவம் தொடர்பாக மேலதிக விசாரணைகளை திருக்கோவில் பொலிஸ்  பிரிவு  பொறு.பதிகாரி புஸ்பகுமார தலைமையில் பொலிஸ் சார்ஜன்ட் ஜுனைதீன் குழுவினரால். மேற்கொள்ளப்படுகின்றது

இவ் சம்பவம் பாடசாலையில் இடம்பெற்ற போது குறித்த பாடசாலையில் வேறு ஒரு பிரச்சினை தொடர்பாக திருக்கோவில் பொலிஸ் நிலைய உத்தியோகத்தர்களால் விசாரணை ஒன்று இடம்பெற்றுக் கொண்டு இருந்துத வேளை இவ் சம்பவம் பாடசாலையில் இடம்பெற்று இருப்பதும் குறிப்பிடத்தக்கது.