ஜனநாயக விழுமியங்களையும், அரசியலமைப்பு ஏற்பாடுகளையும் மதிக்குக

ஜனநாயக விழுமியங்களையும், அரசியலமைப்பு ஏற்பாடுகளையும் மதிக்குமாறும், சட்டத்தின் ஆட்சியை உறுதி செய்து அனைத்து இலங்கையர்களினதும் பாதுகாப்பை உறுதிப்படுத்துமாறும் ஐக்கிய நாடுகளின் செயலாளர் நாயகம் அன்டனியோ கட்டரஸ் வலியுறுத்தியுள்ளார். 

இலங்கையில் உருவாகியுள்ள அரசியல் சூழ்நிலையை ஆழ்ந்த கவலையுடன் ஐக்கிய நாடுகள் செயலாளர் நாயகம் அவதானித்து வருதாக, அவரின் பேச்சாளர்
ஸ்டீபனே துஜாரிக் விடுத்துள்ள அறிக்கையில் தெரிவிக்கப்பட்டுள்ளது.

அனைத்து தரப்பினரையும் பொறுமையை கடைப்பிடிக்குமாறும், உருவாகிவரும் நிலவரத்திற்கு அமைதி தீர்வொன்றை காண்பதற்கு முயற்சிகளை மேற்கொள்ளுமாறும் ஐ.நா. செயலாளர் நாயகம் கேட்டுக்கொண்டுள்ளார்.