ஞானசாரவின் மேன் முறையீட்டினை நிராகரித்தது, உயர் நீதிமன்று

பொதுபலசேனா அமைப்பின் பொதுச் செயலாளர் கலகொடஅத்தே ஞானசார தேரர், தனக்கு விதிக்கப்பட்டுள்ள தண்டனைக்கு எதிராக, தாக்கல் செய்திருந்த மேன் முறையீட்டு மனு, உயர்நீதிமன்றத்தால் இன்று(05), நிராகரிக்கப்பட்டுள்ளது.

நீதிமன்றத்தை அவமதித்த குற்றச்சாட்டின் பேரில், ஞானசார தேரருக்கு 6 வருட கடூழிய சிறைத்தண்டனையை மேன்முறையீட்டு நீதிமன்றம் வழங்கியதுடன், அதனை உயர்நீதிமன்றம் உறுதி செய்தது.

இந்நிலையில், ஞானசாரர் தனக்கு விதிக்கப்பட்டுள்ள தண்டனையிலிருந்த தன்னை விடுவிக்க கோரி, குறித்த மனுவை தாக்கல் செய்திருந்தார்.

ஈவா வனசுந்தர,நலின் பெரேரா,பிரியந்த ஜயவர்தன ஆகிய மூவரடங்கிய நீதிபதிகள் குழாம் முன்னிலையில், குறித்த மனு பரிசீலனைக்கு எடுத்துக்கொள்ளப்பட்ட போதே, பெரும்பான்மை தீர்ப்புக்கமைய அது நிராகரிக்கப்பட்டுள்ளது.