நேற்று இரவு இரண்டு இளைஞர்கள் மீது துப்பாக்கிச் சூடு நடத்திவிட்டு அவர்களுடைய மோட்டார் சைக்கிளை கடத்திச் சென்ற இருவர் முதலில் கைது செய்யப்பட்டுள்ளதுடன், அவர்களிடம் மேற்கொள்ளப்பட்ட விசாரணைகளில் மேலும் 08 பேர் கைது செய்யப்பட்டுள்ளனர்.
பேருவளை, பன்னலிய, 80 ஏக்கர் பிரதேசத்தில் மோட்டார் சைக்கிளில் பயணித்த இரண்டு இளைஞர்கள் மீது நேற்று இரவு 08.20 மணியளவில் காரில் வந்த அடையாளம் தெரியாத இரு நபர்கள் துப்பாக்கிச் சூடு நடத்தியுள்ளனர்.
துப்பாக்கிச் சூட்டில் மோட்டார் சைக்கிளில் பயணித்த ஒருவர் படுகாயமடைந்து நாகொட வைத்தியசாலையில் அனுமதிக்கப்பட்டுள்ளதாக பொலிஸ் ஊடக பேச்சாளர் அலுவலகம் தெரிவித்துள்ளது.
அதன்படி விசாரணைகளை ஆரம்பித்த பொலிஸாருக்கு கிடைத்த தகவலின் படி மக்கொன பிரதேசத்தில் உள்ள வீடொன்றில் வைத்து இரண்டு சந்தேகநபர்களுடன், பெண் ஒருவர் உட்பட நால்வர் கைது செய்யப்பட்டுள்ளனர்.
அவர்களிடம் மேற்கொள்ளப்பட்ட மேலதிக விசாரணைகளின் பின்னர் பல்வேறு குற்றங்களுடன் தொடரபைுடைய மேலும் ஆறு பேர் கைது செய்யப்பட்டுள்ளதுடன், துப்பாக்கிச் சூட்டுக்கு பயன்படுத்திய டி 56 ரக துப்பாக்கியும் கண்டெடுக்கப்பட்டுள்ளது.
Post a Comment
Post a Comment