வீசா மாற்றத்தை கொண்டு வந்தது, கத்தார் அரசு

தங்கள் நாட்டில் பணிபுரியும் வெளிநாட்டு தொழிலாளர்கள் தங்கள் சொந்த நாடு திரும்ப இனி அனுமதி பெற தேவையில்லை எனும் புதிய சட்டத்தை கத்தார் அரசு அமல்படுத்தியது.

கத்தார் நாட்டில் பணிபுரியும் வெளிநாட்டு தொழிலாளர்கள், சொந்த காரணங்களுக்காக தங்கள் நாடுகளுக்கு திரும்ப, விசா எளிதில் கிடைக்காது. இந்நடைமுறையில் தற்போது கத்தார் அரசு மாற்றம் கொண்டு வந்துள்ளது. இதன்படி கத்தாரை விட்டு வெளியேற விரும்பும் வெளிநாட்டு தொழிலாளர்கள், இனி அந்நாட்டு வெளியுறவுத்துறையிடம் அனுமதி கேட்க அவசியம் இல்லை என தெரிவிக்கப்பட்டுள்ளது. இச்சட்டம் இன்று(செப்.,05) அமலுக்கு வந்தது.

கத்தாரின் தோஹா நகரில் 2022ம் ஆண்டு உலக கோப்பை கால்பந்து தொடர் நடைபெற உள்ளது. இதனை கருத்தில் கொண்டு இச்சட்டம் அமல்படுத்தப்பட்டதாக தகவல்கள் தெரிவிக்கின்றன.