நாடுபூராகவும் உள்ள பொலிஸ் நிலையங்களை மையபடுத்தி மேற்கொள்ளப்பட்ட விசேட சுற்றிவளைப்பின் போது, பிடியாணை பிறப்பிக்கப்பட்டிருந்த 423 பேர் உள்ளிட்ட 2322 பேர் கைதுசெய்யப்பட்டுள்ளனர்.
பொலிஸ்மா அதிபரின் உத்தரவுக்கமைய, நேற்று இரவு 10 மணித் தொடக்கம் 12 மணிவரையும், இன்று அதிகாலை 3 மணித்தொடக்கம் 5 மணிவரையும் இந்த சுற்றிவளைப்புகள் மேற்கொள்ளப்பட்டதுடன், 14,070 பொலிஸார் சுற்றிவளைப்பு பணிகளில் ஈடுபட்டிருந்தரெனவும் பொலிஸ் ஊடகப் பிரிவு தெரிவித்துள்ளது.
இதன்போது மதுபானம் அருந்திய நிலையில், 650 சாரதிகளும், பல்வேறு குற்றச்சாட்டுகளுடன் தொடர்புடைய 635 சந்தேகநபர்களும், சட்டவிரோதமாக துப்பாக்கிகளை வைத்திருந்த 5 பேரும் கைதுசெய்யப்பட்டுள்ளனர்.
அத்துடன், ஹெரோய்ன் உள்ளிட்ட போதைப்பொருட்களை தம் வசம் வைத்திருந்த 531 பேரும், அனுமதிப்பத்திரமின்றி மதுபானம் விற்பனை செய்த 78 பேரும் இதன்போது கைதுசெய்யப்பட்டுள்ளனர்.
Post a Comment
Post a Comment