பொகவந்தலாவை, டின்சின் தோட்டத்தில் இன்று மாலை 4 மணியளவில் ஆலங்கட்டி (ஐஸ்) மழையுடன் கூடிய மினி சூறாவளி வீசியமையினால் 25 வீடுகள் சேதமாகியுள்ளன. பாதிப்புக்குள்ளான குடியிருப்பாளர்களுக்கு மாற்றீடு செய்ய, பொலிஸாரும் தோட்ட நிர்வாகமும் நடவடிக்கை எடுத்துள்ளதாகவும் இவ்வனர்த்தத்தில், யாருக்கும் பாதிப்புகள் ஏற்படவில்லை என்றும் பொகவந்தலாவை பொலிஸார் தெரிவித்தனர். கடந்த சில நாட்களாக மலையகத்தில் மழை பெய்துவருகின்றதுடன், லிந்துலை மெரேயா பகுதிகளிலும் மினி சூறாவளியினால் குடியிருப்புகள் சேதமாகியுள்ளன.