நாவலடியில் கரையொதுங்கிய சடலம்: யாருடையது?

மட்டக்களப்பு - காத்தான்குடி - கல்லடி – நாவலடி பகுதி கடற்கரையில் கரை ஒதுங்கிய நிலையில் வயோதிபர் ஒருவரின் சடலம் இன்று அதிகாலை மீட்கப்பட்டுள்ளது. 

இன்று அதிகாலை கடலுக்கு மீன்பிடிக்கச் சென்ற மீனவர்கள் பொலிசாருக்கு வழங்கிய தகவலுக்கு அமைய இந்த சடலம் கண்டெடுக்கப்பட்டுள்ளது. 

சடலமாக மீட்கப்பட்டவர் சுமார் 55 - 60 வயது மதிக்கத்தக்க வயோதிபர் என அடையாளம் காணப்பட்ட போதிலும், மேலதிக தகவல்கள் எதுவும் கிடைக்கப் பெறவில்லை என, பொலிஸார் குறிப்பிட்டுள்ளனர். 

இது தொடர்பான மேலதிக விசாரணைகளை காத்தான்குடி பொலிசார் மேற்கொண்டு வருகின்றனர்.